Sɛɡla 10:3 - mzwDBL

³ Korowii aa ɡel lɔr kpo nɛn o wa aa toɡra. O lɔ nɛnchɔɡe konnyini dɛɛ ta.

Sɛɡla 10:3 Referans Kwoze

Yela 37:25

N fa ɛ bechala, dɛ ba ɛ banjena, kɛ n ta nae kɛŋɔ Korowii laa nɔn kpɔ nɛra ba wa aa toɡra nɛ, kɛɛ ba bii valɛ dɛɛ soŋe kondikwa.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Yela 37:19

Baa wahalaa na sibeɡra saŋ, lɔr saŋ kwaraa yaa, dɛ ba te dɔ kondikwa.

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Job Tɔn 5:20

Lɔr saŋ wɛɛ lɛɛ le seo nyoa dɛ́ lɛɛ le laa ta.

Amanesoma Luk Aa Chwera Tɔn 12:31

Hé ɡel he sie beɡre Korowii Kora la ta, ásɛ o kpɔ anɔ haa dɛ nyin nɔ bwa tɛ heya.”

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Yela 112:10

Nyubinikpeɡ tena ɛɛ nao ba baah di kohona, ásɛ ba liire chɔɡ ba che dɛɛ nyiŋi ba hwɛɡa ta pɛɛ.

Job Tɔn 20:28

Ba kondɔɔh bwa ɛɛ chɔɡoo, awola Korowii baah aa di kohona, kɛŋɔ nee aa sua dɛ yon kpɔ komɛlbwa kaa la.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Sɛɡla 13:25

Nɛn o wa aa toɡra di kwaa o baah ɛɛ sɔɔhno, kɛ nɛnchɔɡe te dɛ chɔ lɔr saŋ bɛlbwa.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Job Tɔn 15:23

ásɛ kɔkɔsakire di ba ola. Ba jemɔ kɛ ba seo tɔpere dɛ́ tel.