Sɛɡla 10:19 - mzwDBL

¹⁹ Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 10:19 Referans Kwoze

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Wejereme 5:3

Liire waraa ɡela nɛn ɛɛ dee deera, ɡɛɛ dɛ nɛn dɛ́ bol waa kohona, dɛ o ta nyiŋe kɛrɛdɛ naa, wɛɛ bol ɡɛnewa.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Job Tɔn 11:2

“Amɔ nomɛlbwa aa ɡɛ waa nɔɔ chaŋe aa? Wobol kohona ɡelɔ nɛn waa ɛɛ do wer aa?

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Wejereme 5:2

Dɛɛ lawɛ he nyoa, he dɔ waane dɛ́ bol aa, nyiŋi a bini kɛrɛdɛ dɛ bɛ too, dɛ́ bol baɡle Korowii. Korowii te, nyundua o do, asɛ he do harɛ, anomanta, bɛ ɡel he wobol do kan.

Sɛɡla 11:12

A ɛ ɡɛnewaa kɛŋɔ he muɡli he dɔŋ baah, kɛ he jemɛ waa tenaa, he dɛ lawɛ he nyoa.

Sɛɡla 11:13

Nɛn waa dɛ ŋwalɛ nɛra aa won waa ta tɔ, kɛ nɛn nɛra aa dɔ hwɛɡa o nɛɛ te dɛ tɔ wobɛlbwa ta.

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Wejereme 5:1

He dɛ la Korowii Dea aa, nyiŋi he vala bini kɛrɛdɛ. Do sie no o waa kɛrɛdɛ, dɛ́ ɡwaa ɡɛna saraha ba yon dɛɛ ɛ, baa wola jemɛ kɛ ba dɛ ɛ wechɔɡa la.