Sɛɡla 10:14 - mzwDBL

¹⁴ Wejereme dɛ hweli wa, dɛ kpɔ dɛɛ do o nyu bini, kɛ nɛn waa ɡɛna wobol te, dɛ ba waa ne.

Sɛɡla 10:14 Referans Kwoze

Sɛɡla 18:7

Gɛne wobolee dɛɛ chɔɡo, o nyoa dɛɛ doo waa ta.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Sɛɡla 10:10

Nomɛlbwa waa dɛ tɔ kasinteŋ ta la dɛ́ ba waa ne, kɛ nɛn waa dɔ bambile dɛɛ bol waa la, o dɛ ba deŋnesɔɔhna ne.

Sɛɡla 9:9

Hé dɛ ja wejereme aa, a ɡelɔ wɛɛ jemɛ waa kohona. Anɔ la bɛlbwa haa bol nɛn o wa aa toɡra be la, a dɛ ja o wejema ta.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 13:44

Yeesu berɔ ŋɔ, “Korowii Kora la waa ane ɡee la ja. A do kɛŋɔ baa bɛl aa kaa kpaah kondɔɔh kwaane baa kpɔa sɔh harɛ bɛl ta. Asɛ o ɡe berɛ kwaa sɔh dɛ kpɔ kwaa la silɛɛ, dɛ ka yoɡ komɛlbwa waa dɔa, dɛ kpɔ suuɡa la ka yawɛ a ɡɛ harɛ la.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Sɛɡla 21:23

He jemɛ he nyoa lawa aa, haa waa dɔ.

Sɛɡla 19:8

Nomɛlbwa waa dɔ wejema la, dɔ nyina tɛ o ɡbaɡba, ɡɛɛ nɛn waa dɛ no waa mun la, o wobɛlbwa ɛɛ do wer.

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Sɛɡla 1:5

Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Sɛɡla 12:23

Wejereme dɛ tɔ o wejemwaa ta, ɡɛnee dɛɛ pili o ɡɛnewaa ta dɛɛ tɛ nɛra.

Wejereme 10:12

Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Sɛɡla 17:20

Nɛnchɔɡe waa kpɔ waa dɛɛ perɛ, aa andɛɛɡa dɔ, ɡɛɛ nɛn o nyondoŋe aa bar o nyu la ɛɛ na wa.