Sɛɡla 1:9 - mzwDBL

⁹ Ba webaɡla la ɛɛ ɡeloo he dɔ dadɛɛɡe, ásɛ he waa do wer kɛŋɔ, haa di bonɔɔne kɛɛ toli, dɛ kpɔ yal vɔwɛ nyu, kɛɛ dɛ do baŋa kwaa la.

Sɛɡla 1:9 Referans Kwoze

Daneɛl 5:29

Ate, buɡ la ta, Kooro Bɛlsasa ɡel ba ka kpɔ yakɔl ba tɔ Daneɛl, dɛ kpɔ suuɡaswɛm jɔɡrɔre do o baŋa, asɛ dɛ ɛo nɛntoorote waa dɔ kpeɡri o kora ta harɛ la ta.

Sɛɡla 4:9

Wɛɛ kpɔ jirimaa sime kɛŋɔ botidɛɛɡe, dɛ́ kpɔ pii kɛŋɔ kooɡbɛrɛ he dɔ jirima.”

Sɛɡla 3:22

Aa tɛɛ mkpaa, dɛ́ ɡel he soɡa bini do wer.

Mumpar 41:42

Kooro laa o noniseɡ o nyanyini kon aa dawɛ o ta la foo do Josef, dɛ kpɔ yapondɛɛɡe batakaare ɡe doo, dɛ kpɔ suuɡaswɛm jɔɡrɔre baŋa kwaa ɡe do o baŋa.

Ɛsekeɛl 16:11

N kpɔ suuɡaswɛm nɔnloɡa ne baŋa kwaa bwa doe.

Aesaya 3:19

ne deŋna kwa, ne nɔnloɡa, ne kwaa baa kpɔa dɛɛ bɔle nyuune ta laanee kpɔ.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Yelsom 4:9

N hanfale ne n sɛnodɛɛɡe, he ɡelɔ n bambile lawɛ kohona, he nyiŋ mɛ kerabeŋkpoŋ he waa lɛ n liire, he baŋa kon beŋkpoŋ haa doa la wa.

Yela 73:6

Anomanta, ba kpɔ mbarafo do baŋa kɛŋɔ baŋa kwa, asɛ naɡrenyin ber ba yal ba kpɔ tɔ.

Sɛɡla 3:3

Bɛ ɡel Korowii nyina ne nɛnnyin dɛ kasinteŋ paŋɛ. Kpɔa ɛ kɛŋɔ baŋa kon, ɡel a ɛ he bambile wa.

Jeremia 35:8

Ya teŋɛ wobɛlbwa ya nabaa Jonadab aa do yaa la ta. Ya ne ya haahna kɛɛ bibaala ne bihaahna bɛlbwa ta sen nyɔe bwa,