Sɛɡla 1:7 - mzwDBL

⁷ Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Sɛɡla 1:7 Referans Kwoze

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Sɛɡla 9:10

Wejema mumparee Korowii ɔma, waa mun noe ɡe cheɡɛ Korowii Waa Do Goroŋ jema ta.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sɛɡla 18:2

Gɛne waane laa waa mun noe, o waa bwaa kɛŋɔ o ɡe baɡle o wejema.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Sɛɡla 15:5

Gɛnee dɛɛ vɛh o mɛɛ wa, kɛ nɛn baa dɛ jao wɛɛ no la, dɛ jemɛ wa.

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 23:9

Bɛ waa bol ɡɛne be koh, o dɛ lii waa aa lɔ a ta la wesale.