Sɛɡla 1:6 - mzwDBL

⁶ dɛ́ won dɛɛ no sɛɡla a mun noe aa kpeɡa, ne wejerema wobol ne wobobeela mun.

Sɛɡla 1:6 Referans Kwoze

Yela 78:2

Mɛɛ kpɔ sɛɡlaa bol waa chaɡle heya, waa nomɛlbwa aa wola jemɛ bwa, le harɛ nɔ mumpar,

Amanesoma Mak Aa Chwera Tɔn 4:11

Anee Yeesu ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola,

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

Amanesoma Mak Aa Chwera Tɔn 4:34

Sɛɡla ɡbo nee wɛɛ bol waa ba be. Kɛ o ne o habɔteŋra la ɡbo te, o dɛ baɡ ba a bini.

Wejereme 12:11

Wejereme wobol do kɛŋɔ, daa peteɡre aa kpɔa dɛɛ teɡɛ peera ken. O wobosɛɡla ɡe do kɛŋɔ, baa lɔ dadowɛre do kon ta, a lawɔ kpoŋe. Korowiirii ɛ Peteɡre beŋkpoŋ waa lole dɛ tɛ ya bwa.

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

2 Pita 3:16

Pɔɔl dɛ bol a ɡɛ waa nɔ o tɔne bwa bini. Ane ta Pɔɔl tɔne waane mun noe kpeɡri taeh. Anomanta, nɛra baa wola wobɛlbwa jemɛ baa wola cheɡɛ kiŋkiŋ la, ba dɛ berɛ waa la sie. Gɛɛ a ɡɛ nɛra nɔ ɛɛ baɡle Korowii Tɔn bini waa la ane ɡe. Kɛ ba ɡbaɡba nyu taa ba ɛ dɛɛ dawɛ.

Sɛɡla 24:23

Wejemwobol ane ɡee nɔ. Nɛn siebɔr nyiŋa dɛ́ bol waa dɛ́ pa bole ta aŋwɛnɛ ta ɛɛ.

Daneɛl 8:23

Koranar banaarɛ kora dii la aa dɛɛ ba a jaɡa la, baa ɛ deŋnekpeɡ kohonaa dɛ́ chɛ deŋnetɛra. Ásɛ kooro o nyu bini aa kpeɡa dɛɛ neɡre nɛra ba.