Sɛɡla 1:5 - mzwDBL

⁵ Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Sɛɡla 1:5 Referans Kwoze

Sɛɡla 12:1

Nomɛlbwa waa dɛ nyin o jemɛ waa la dɛ sɛh chɔɡre. Gɛnee wola sɛh kɛ ba baɡlo wa.

Sɛɡla 9:9

Hé dɛ ja wejereme aa, a ɡelɔ wɛɛ jemɛ waa kohona. Anɔ la bɛlbwa haa bol nɛn o wa aa toɡra be la, a dɛ ja o wejema ta.

1 Kɔrent 10:15

He ɛ wejerema, anomanta, hé nyiŋi waa nɔ maa bola nɔ bini dɛ́ na.

Job Tɔn 34:16

Job, he dɛ no waa mun aa, no waa nɔ, cheɡ deŋne no waa maa dɛ bol.

Job Tɔn 34:10

Anomanta, hé no men Elihu be, he nɛra haa dɛ no waa mun. Nomɛlbwa jemɔ kɛ Korowii aa wechɔɡa ɛ, On Waa Ɛ Kpeɡri Bwa Dɔɔ la aa won ɛ wechɔɡa.

Job Tɔn 34:34

Nɛra baa dɛ no waa mun dɛ sɛh ɡɛ, wejerema baa dɛ no n be la dɛ ŋɔ,

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Sɛɡla 14:6

Nɛn waa dɛ mamɛ wejemwaa la aa waa jemɛ, kɛ nɛn waa dɛ no waa mun te, dɛ́ jemɛ waa warane.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Job Tɔn 34:2

“Nɛra haa ɛ wejerema, hé no n waa nɔ, hé no, nɛra haa jemɛ wa.

Sɛɡla 8:33

Hé no anɔ la maa dɛ do heyaa a ta, he bɛ an vɛh, ásɛ dɛ jemɛ wa.

Sɛɡla 9:8

Bɛ nɛn waa dɛ ɛ nɛra sisawaa kasinteŋ di o ba haeh, di wejereme kasinteŋ, ásɛ o nyini.

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Sɛɡla 19:25

Bammuɡli nɛn dɔ deŋnetɛra aa, nɛra baa wola wobɛlbwa jemɛ hweli waa dɛɛ le a ta, ɡɛɛ ba baɡle wejereme waa, wɛɛ jemɛ wa.

Sɛɡla 21:11

Bammuɡli nɛn dɔ deŋnetɛra aa, ɡɛne hweli waa dɛɛ le a ta, ɡɛɛ ba baɡle wejereme wa aa, wɛɛ jemɛ wa.