Sɛɡla 1:1 - mzwDBL

¹ Kooro Devid bibaa Kooro Solomɔn o fa aa di kora Israel harɛ ta la sɛɡla.

Sɛɡla 1:1 Referans Kwoze

Sɛɡla 10:1

Kooro Solomɔn sɛɡlaa teŋa nɔ. Bechawejereme ɡelɔ o mɛɛ baŋa ɛɛ pa, kɛ bechaɡɛne te ɡelɔ o nya loo ɛɛ ku.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

Wejereme 1:1

Waa Wejereme bɛl, waa ɛ Kooro Devid bie dɛ di kora Jerusalam, aa bola laanee nɔ.

Sɛɡla 25:1

Solomɔn sɛɡla ane Juda Kooro Hɛsɛkea karakere aa nyiŋi a ta dɛ chwerɛɛ nɔ.

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Koranar 2:12

Kooro Solomɔn soɡe o mɛɛ Devid kora la ta asɛ o kora che kiŋkiŋ.

Wejereme 12:9

Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.

1 Webena 29:28

O biɡro kɛrɛdɛ mɔɔ dɛ ba sewɛ, dɛ o dɔ kondɔɔh ne jirima kɛrɛdɛ, asɛ o bibaa Solomɔn chiɡ o naa ta, dɛ di kora.

Amanesoma Jɔn Aa Chwera Tɔn 16:25

Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

1 Koranar 5:12

Korowii tɛ Kooro Solomɔn wejema ɡɛ waa bola la. O ne Kooro Hiram baah do wer, asɛ ba fɔwɛ deŋnesɔɔhna fɔo.

1 Webena 29:23

Gɛɛ Kooro Solomɔn ba so kora Korowii aa cheɡo ta, o chiɡ o mɛɛ Kooro Devid naa ta. O wobɛlbwa wer tɛo, Israel tena bwa kpɔ duure tɛo.

Sɛɡla 22:21

A taa hɛɛ ba cheɡa dɛ́ jemɛ kasinteŋ, dɛ́ kpɔ waa aa ɛ kasinteŋ dɛɛ tɛ nɛra baa tomɛ.