Sefania 3:1 - mzwDBL

¹ Bwɛjen baa dɛ do ba nɛra hɔhɔrɔwa, dɛ ɛ deŋnekpeɡ tena dɛɛ ɛ wedoŋa la, ó bwɛɛlɛ!

Sefania 3:1 Referans Kwoze

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 30:12

Anomanta, Israel Nɛŋɡoroŋ la ŋɔ, “Haa vɛh waa nɔ, dɛ kpɔ he ɡbaɡba ŋwɛnɛ dɛɛ di kpeɡri nɛra nɛɛ dɛɛ neɡ ba nomanta,

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Sekaria 7:10

He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Lewi Dea Tena 1:16

Ó laa o cheɡpɔrɔ la kpɔ viɡri saraha kon wee leebɔr bela baa pa tɔɔ dɛɛ ta la.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 3:9

Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

Ɛsekeɛl 23:30

ba anɔ bwa ne ba tɛɛ. Harɛre nɛra bwa bee he bɔ jwamane ka tel, dɛ teŋɛ ba voɡare nɛɛ dɛ kah doŋa.

Ɛsekeɛl 22:29

Harɛ la ta, nɛra ɛɡre nɛra dɛɛ lɛ ba kwa, dɛɛ faah nɛŋhɔɔhra ne nyaara, baa waa bolɛ dɛɛ tɛɛ ba aŋwɛnɛ ta.

Jeremia 5:23

Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.

Aesaya 59:6

Haa won kpɔ ŋwandare yal tɔ kɛŋɔ yal. He we-ɛɛla ɛ dichɔɡa ɡbo, dɛ ɛ naɡrenyine ɡe.

Jeremia 6:7

Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.