Sefania 1:9 - mzwDBL

⁹ A ɡɛ tɔpere la, mɛɛ tɛr nɛra baa dɛ tomɛ voɡa deŋnee, ne banɔ la baa kpoo nɛra, dɛ ŋwɛ ba laala dɛ pa ka su ba voɡ baa dɛ tomɔ dea la ɡe deŋnee.

Sefania 1:9 Referans Kwoze

1 Samoɛl 5:5

A waa dɛ kpoŋe ba le fini, nɛra baa dɛ kpoŋe Daɡɔn kere kɛɛ bɛlbwa waa dɛ tomɔ dɛ ba dea la bini joe yaa, ba yon ɡale doonyoa bela mɔɔ dɛɛ jo la.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

We-ɛɛla 16:19

Kwaa la aa lea la, dɛ yomhaah la aa wone dɛɛ voɡɛ kpa. Nɛra baa dɔɔ la aa naa kɛŋɔ o bɛ won voɡa la tɔ ba suuɡa dɔe ŋwɛnɛ la, ba lawɛ Pɔɔl ne Silas dɛ tɛɡ ba kaa ba bela Rom nomonome be bombaah ta.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Sitɔɔla 19:27

Baa la aa ira chɔɔ ne la, o kaa ya dem la ɡbera dɛ le buse dɛ́ kaa, asɛ dɛ na ɡɛ o sɛno la aa chɔa o nɔɔra ba dawɛ doonyojoo ɡbera daa la ta.

Jeremia 5:27

Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Sekaria 5:6

Asɛ n bɔɔ ŋɔ, “Bɔkwa konee yɔ?” O chaŋe ŋɔ, “O ɛ wɛɡrɛ baa kpɔa dɛɛ maɡɛ kwa,” o berɛ ŋɔ, “o cheɡɔ tɛ harɛ nɔ ta bwa nɛra wechɔɡa.”