Sefania 1:6 - mzwDBL

⁶ Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Sefania 1:6 Referans Kwoze

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

Hosia 7:7

Ba bandia la do kɛŋɔ fononoo bini nii ken, ba kpɔ kpoo ba koranar. Ba koranar bwa serewɔ, kɛ nomɛlbwa aa men soŋe ŋɔ ń chao.

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

Tɔn Pɔɔl Aa Chwerɛ Rom Tena 3:11

Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ.

Aesaya 43:22

Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Jeremia 10:25

Gel harɛre nɛra na he bandia, banɔ la baa wola hen tomɛ, dɛ vɛɛh la. Ba kpoo he nɛra Israel tena dɛ chɔɡ ba harɛ kwaraa.

Hosia 7:10

Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Josua 23:12

Kɛ dɛ he kpɔ he te ka pɛ ɡɛ nɛra baa kaa he ne ba so nɔ nɛ, dɛ mo ba bihaahna asɛ ba ɡe mo he kwa aa,

2 Samoɛl 22:22

N dɛ teŋɛ Korowii Mmarare la ta, n ta habɔɔ berɛ kpo Korowii maa dɛ tomɔ la.

2 Webena 15:13

Nomɛlbwa, bechala kɛɛ nomoa, haah kɛɛ baa waa wola Korowii Israel tena aa dɛ tomɛ la nɛɛ teŋɛ la, a chɛ kɛ bá kpoo.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.