Rut Tɔn 4:11 - mzwDBL

¹¹ Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,

Rut Tɔn 4:11 Referans Kwoze

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Yela 132:6

Yaa lɔ Bɛtlɛham la, ya no Korowii Ne Nɛwɛnyina Fɔo Daka la wa, dɛ ka nao Kiriat Jearim tena kooni ta.

Rut Tɔn 1:2

Baa la sɔne Ɛlemɛlɛk, o haah ɡe sɔne Naomi. O bibaala la bɛl sɔne Maalɔn, asɛ nɛɛte la ɡe sɔne Keleɔn. Dɛ Efrat dea naanaree ban, ba le Bɛtlɛham waa lɔ Juda harɛ ta.

Mmarare 25:9

haah la laa ɡɛ baa la naŋɡawa beŋkpoŋ foo nomonome la sie ta bela, dɛ́ ta nentane ta o sie ta dɛ́ ŋɔ, ‘Anɔɔ ba kpɔ dɛɛ ɛ baa waa wola nyin kɛ o dɔɔ kɛɛ nime dɔ dwee.’

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Sɛɡla 14:1

Hanwejeremee dɛɛ vɔwɛ dea, kɛ hanɡɛnee yon dɛɛ paɡre dea.

Mumpar 23:10

Anee Efron chaŋe Abraham o bala Hiti tena baa soɡe bwɛɛ la doonyoa la sie dɛ ŋɔ,

Mumpar 29:25

Jekɔb ne haah la aa kaa chɔ la, bɔr chaahnɔ mɔɔ o ta na kɛŋɔ Leaa o ne o chɔ la. Belaa o la Laban be dɛ ka bɔɔro ŋɔ, “Bɔkwa waa he ɛɛ mɛ ken? Rakɛl waa laa n koh dɛ ɛ he toma aa? Aah ɛrɛ he berɛ neɡ mɛ ken nɔɔ?”

Sɛɡla 31:23

O jaa ɡe soɡe bwɛɛ nomonome bini naa, nomɛlbwa dɛ duuru.

Mumpar 29:16

Dɛ o dɔ bihaahna banɛ. Nomoa la sɔne Lea asɛ bechala la ɡee Rakɛl.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Mumpar 35:24

Rakɛl ɡe bibaalaa nɔ, Josef ne Bɛnjamen.

Mmarare 25:7

Dɛ a balɔ kɛŋɔ jaa la aa sewa la nime kɛɛ o dɔɔ ŋɔ waa haah laanee mo aa, haah la kpɔ kaa bwɛɛ la doonyoa ka bil bwɛɛ la nomonome sie dɛ́ ŋɔ, ‘N jaa nime kɛɛ o dɔɔ ŋɔ waa men mo, ásɛ n jabene la sɔn ka Israel harɛ nɔ ta. Waa nyin kɛ o ɛɛ mɛ dɔɔ kɛɛ nime haah we-ɛɛla.’

1 Koranar 21:8

Jɛsɛbɛl kpɔ Kooro Ahab sɔn chwerɛ tɔne asɛ o kpɔ o noniseɡ ɛɡre a ta, dɛ tomɛ ba kpɔ ka tɛ nomonome ne banɔ la baa soɡe nomombɔra Jesreel bela Nabɔt aa lole la.

1 Webena 2:51

o binɛɛte sɔne Salma, onee vɔrɔwe Bɛtlɛham. Bitoorote ɡe sɔne Harɛf, o ɡee vɔrɔwe Bɛt Gada.

Jeremia 32:10

N sɛoh dɛ chwerɛ tɔn la, dɛ kpɔ nɔn ɛɡɛ o ta, o che tɛ n ne o fɔo la, asɛ nomɛl di danseɛ asɛ n maɡɛ suuɡapoŋa aa chɛa kɛŋɔ n kpɔ bɔ kem la.