Rut Tɔn 3:13 - mzwDBL

¹³ Chɔ n be bonɔ jwaana nɔ ne, ásɛ tɔɔ perɔ chɔɔ aa, ya na kɛŋɔ wɛɛ moe kɛɛ waa hen moɔ. O sɛoh ŋɔ wɛɛ kpɔe yaa, a fe wer kohona. Kɛ dɛ o ta sɛɛh yaa, n ŋwɛɛ Korowii waa lole saŋ bɛlbwa kɛŋɔ mɛɛ kpɔe. He te chɔ bonɔ ka tel kere chɔɔ.”

Rut Tɔn 3:13 Referans Kwoze

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Rut Tɔn 4:5

Asɛ Boas ŋɔ, “Gɛ wer, kɛ dɛ he yawɛ harɛ la le Naomi ne Rut waa ɛ Moab te la be tenaa, hɛɛ kpɔ ya lole waa sewa la luhaah Rut la ɡee ja, ásɛ he ne o dɔ bie ya lole la sɔn bɛ he harɛ la ta.”

Rut Tɔn 2:20

Naomi ŋɔ, “Korowiirii dɛ́ kwaa Boas kwaa tɛo. N nao kɛŋɔ Korowii ta teŋɔ dɛɛ nyin weera ne serewa.” Dɛ berɛ ŋɔ, “A ɡɛ baa la ɛ ya lole tenten. O ɛ nɛra baa chɛ kɛŋɔ báa nyiŋi ya nɛɛ la bini bɛl.”

Hibru 6:16

Dɛ nɛn dɛ ba ŋwɛɛra aa, kon waa ɡwaaloo o yon ŋwɛɛ, ásɛ ba jemɛ kɛ kasinteŋii wɛɛ bol, dɛ tɔŋla bɛlbwa teŋo.

Sitɔɔla 8:19

Gedeɔn ŋɔ, “Ba ɛ n dɔɔranar ne nimanar, n ne ba pɛ nya. N ŋwɛɛ Korowii kɛŋɔ dɛ he ta ban kpooraa, n ɡe fe aa heyaa kpoo.”

2 Kɔrent 1:23

Korowii waa jemɛ n nyu bini bwa la, onee n danseɛ te waa nɔ ta. N fa aa wola Kɔrent balɛ la, maa nyin kɛ n ba chɛɡre heyaa he wechɔɡa waa ásɛ he bambile chɔɡ, a waa n ta balɛ.

Rut Tɔn 3:12

A ɛ kasinteŋ kɛŋɔ ya ɛ lolanar. Kɛ bɛl tɔ n sie mɔɔ n teŋɛ.

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Rut Tɔn 4:6

Belaa baa la chaŋe ŋɔ, “Mɛɛ yawɔɔ n bii aa harɛ la kpeɡrii ba dɔ tenaa, maa won. Hɛɛ wonoo waa, he yawɛ.”