Rut Tɔn 2:13 - mzwDBL

¹³ Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”

Rut Tɔn 2:13 Referans Kwoze

1 Samoɛl 1:18

Hana chaŋe ŋɔ, “N dɔɔ, ɡel he sie lɛ he bitolo nɛ.” Asɛ o le bela kaa, dɛ ka nyin kondikwaa di, asɛ bambichɔɡ la bwa kaa.

Mumpar 34:3

Dɛ o sie lɛ bitolo la nɛɛ kɛrɛdɛ, asɛ o bambile lawɔ wɛɛ di o deŋna.

Mumpar 33:8

Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?” Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

2 Samoɛl 16:4

Ate, kooro ŋɔ Siba be ŋɔ, “N dɛ ŋɔ he be kɛŋɔ komɛlbwa aa ɛ Mɛfebɔsɛt kwaa la ɛ he kwaa taraken.” Asɛ Siba ŋɔ, “N dɛ duuri, N naa kooro, ɡel he sie lɛ men maa ɛ he bonɔɔ nɛ.”

1 Samoɛl 25:41

Ate, o ɡuŋi dɛ kpɔ sie pi harɛ dɛ ŋɔ, “O toloo men, mɛɛ tomɔɔ dɛɛ sarame o bonɔɔna nakpale.”

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Mumpar 33:15

Anee Esɔ ŋɔ, “Amɔ mɛɛ ɡel n bonɔɔna nɔ bini banee tɛɛ he ne baa ba.” Asɛ Jekɔb ŋɔ, “Bonɔɔna la ɡela dɛ tɛ mɛ te waa ta hiaeh. Nyinaa mɛɛ nyin kɛŋɔ he sie lɛ n nɛ.”

Mumpar 33:10

Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sitɔɔla 19:3

Banloɡle la la o be dɛ ka larawo ásɛ o berɛ ba. Keeɡore anɛɛ o kpɔ o ne o bonɔɔ bɛl kaa. Haah la kpɔ baa la la o mɛɛ dem, o mɛɛ ɡe lɛo silɛɛ ne.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Rut Tɔn 2:14

Kondikwaa dii saŋ aa tela la, Boas ŋɔ o be ŋɔ, “Ba lɛ paanoo tama dɛ́ kpɔ li sennyɛɡa nɔ ta.” O ne tom-ɛɛra la aa soɡa dɛɛ di kwaa la, Boas berɛ kpɔ mea baa hala tɛo ja. O diu dɛ vaɡɛ asɛ ane ka.

Mumpar 32:6

Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.”

Hosia 2:16

Awola tɔpere la, wɛɛ yer mɛ ‘n jaa’, waa men ‘n dɔɔ’ yerɛ kpa.