Rut Tɔn 2:11 - mzwDBL

¹¹ Asɛ Boas chaŋe ŋɔ, “He jaa seo habɔɔ la, n no waa bwa haa ɛa dɛ tɛ he helahaah. N no ɡɛ haa ɡel he nya ne he mɛɛ, ne harɛ haa le o ta, dɛ ba so nɛra haa wola ban jemɛ bwa bini nɔ.

Rut Tɔn 2:11 Referans Kwoze

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

Amanesoma Luk Aa Chwera Tɔn 5:11

Baa tawɛ ba ɡbeni la ba chuɡe dɛ lawa vɔrɔwe la, ba ɡel wobɛlbwa dɛɛ teŋɛ Yeesu nɛ.

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Amanesoma Luk Aa Chwera Tɔn 5:23

Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ valɛ, a bini umee kpeɡa ɔ?

Rut Tɔn 1:11

Anee Naomi chaŋe ŋɔ, “N bii, hé berɛ kaa he bwɛ. N ne he kaala mun ɔ? N lol tonɔ, mɛɛ won berɛ lolɛ bii bá kpɔ heyaa mo ja aa?

Rut Tɔn 2:10

Belaa Rut ɡuŋu harɛ dɛ ŋɔ, “Jam kɛŋɔ maa ɛ hɔɔh n ɡe waa hiaih ɡɛ nɔ.”

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Rut Tɔn 4:15

Wɛɛ tɛɛ silɛɛ, ásɛ dɛ lawɛ kpoŋe he hwɛɛhra bini. Dɛkalkɛ Rut waa dɛ nyini lolɛ bibeŋkpoŋ ɡwaa he be kɛŋɔ he fe aa lolɛ bibaala banuanɛ.”

Rut Tɔn 3:10

Asɛ Boas ŋɔ, “Korowii tɛɛ hɛɛra. He baɡle he nyina ɡwaa ɡɛ haa ɛa tɛ he helahaah la kwara. Bonɔɔna nɛɛ chɛ kɛ he fe ɛɛ pɛlɛ, hale ba dɔ suuɡa kɛɛ ba nyao. Kɛ he ta an ɡɛ ɛɛ.

2 Samoɛl 21:11

Kooro Devid aa no waa Rispa aa ɛa la,