Rut Tɔn 2:10 - mzwDBL

¹⁰ Belaa Rut ɡuŋu harɛ dɛ ŋɔ, “Jam kɛŋɔ maa ɛ hɔɔh n ɡe waa hiaih ɡɛ nɔ.”

Rut Tɔn 2:10 Referans Kwoze

1 Samoɛl 25:23

Abiɡel aa na Devid la, o ɛ warane dɛ tu o keeɡo ta, dɛ ka ɡuŋu dɛ kpɔ sie pi harɛ,

Rut Tɔn 2:13

Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Amanesoma Luk Aa Chwera Tɔn 1:48

O nyiŋi n ɡe maɡa nɔ dɔŋ maa ɛ nɛŋɡwɛɡre nɔ nɛ, dɛ ɡel nomɛlbwa ɛɛ ba taraken lee dɛɛ bol n waa ŋɔ n na som,

Amanesoma Luk Aa Chwera Tɔn 1:43

N ɡee umeo n Dɔɔ nya ɛɛ ba ba chɔɔ mɛ nɔɔ?

2 Samoɛl 19:28

N nabaa naanar bwa chɛ kɛ n naa kooro kpoo ba, kɛ he tɛ mɛ ŋwɛnɛ n ne he pɛ nɔn di kwa. N ta ŋwɛnɛ dɔe kɛ ń berɛ soŋe waane le hen n naa kooro be kpa.”

2 Samoɛl 9:8

Asɛ Mɛfebɔsɛt ɡuŋu ja dɛ ŋɔ, “Bɔkwaa men maa ɛ he bonɔɔ, maa wola toole wobɛlbwa bini kɛ nyoate lale, ɛɛ ba wona su he siwi ɔ?”

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Rut Tɔn 2:2

Awola bɛl, Rut ŋɔ Naomi be ŋɔ, “N poori, tɛ́ mɛ ŋwɛnɛ ń la nomɛlbwa waa na n sum koo ta dɛ́ ka kuuh mea.” Anee o sɛh dɛ ŋɔ, “N bie, kaa.”

Mumpar 18:2

Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,

Rut Tɔn 2:9

Dɛɛ do sie baala la nɛ, dɛɛ teŋɛ toli la nɛ. N ŋɔ baala la be ŋɔ ba bɛ hen panya. Nyɔɡre dɛ kpoe naa, ka nyɔ nee baa dɔa ba nɔ ane.”

Rut Tɔn 2:11

Asɛ Boas chaŋe ŋɔ, “He jaa seo habɔɔ la, n no waa bwa haa ɛa dɛ tɛ he helahaah. N no ɡɛ haa ɡel he nya ne he mɛɛ, ne harɛ haa le o ta, dɛ ba so nɛra haa wola ban jemɛ bwa bini nɔ.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Rut Tɔn 2:19

Asɛ Naomi bɔɔro ŋɔ, “Leperaa he ka ɡaaɡe fini nɔ? Ume koo taa he ka kuuh dɛ dɔ anɔ bwa ken? Korowiirii dɛ cha naate waa na he sum nɔ.” Anee Rut ŋɔ o be ŋɔ, “Boas koo taa n ka ɡaaɡe.”

2 Samoɛl 7:18

Belaa Kooro Devid ka jo Korowii Dea Cheremibɔr waa baŋro la bini, dɛ ka so Korowii sie dɛ ŋɔ, “Nemenɛ Korowii, umee n ɡe ne n lolanar, asɛ he ɛ ɡɛ waa nɔ dɔŋa bwa tɛ mɛ ken nɔɔ?