Rut Tɔn 1:14 - mzwDBL

¹⁴ Asɛ ba berɛ wi anɔ ɡe ta ja. Belaa Ɔpa mo o lwɛɛma dɛ kalo. Kɛ Rut te ta lawɔ kpoŋe dɛ ŋɔ waa on ta.

Rut Tɔn 1:14 Referans Kwoze

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Sɛɡla 17:17

Darame dɛ baɡle nyina saŋ bɛlbwa, asɛ lolanar ɡe do le tɛ dɔŋa chae waa ta.

1 Koranar 19:20

Elaesa ɡel nae la dɛ chwa teŋɛ Elaeja nɛɛ dɛ ŋɔ, “Gel ń ka kal n nya ne n mɛɛ dɛ́ ba n ne he kaa.” Anee Elaeja ŋɔ, “Hɛɛ won berɛ kaa, kɛ lii anɔ la bwa maa ɛa tɛɛ.”

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

We-ɛɛla 17:34

Nɛra la bane te yarada Yeesu waa la, dɛ ba ja o nɛ. Nɛra baa yaradaa la bini bɛl sɔne Daneseɔs. Dɛ Areɔpaɡos nomonome la bɛlee on. Haah bɛl baa dɛ yerɔ Damaris ne nɛra bane yarada Yeesu waa la.

Mumpar 31:55

Tɔ aa pera chɔmbibi la, Laban mo o bihaahna ne o naanar la lwɛrɛme, dɛ swee andɛɛɡa tɛɛ ba dɛ berɛ kaa o bwɛ.

Mumpar 31:28

He ta ɡelɛ n mo n bii ne naanar lwɛrɛme dɛ ta ba ŋwɛnɛ. Gɛnewaa he ɛ ɡɛ la!

Mmarare 4:4

Kɛ he banɔ la haa kpɔ he te pɛl Korowii haa dɛ tomɔ la te ta lole fini.

Rut Tɔn 1:13

Dɛ a ba ɡɛ kwara naa, hɛɛ won soŋni ka tel kɛŋɔ baa kpeɡ aa? Hɛɛ won so dɛ́ ŋɔ haa yalaa? Akai n bii, he ɡbabir jemɔ ŋɔ ɡɛ aa won maɡre. N nyuu wola were mɛɛ di suna, he te laa chɛ kɛŋɔ he di suna. Korowiirii ɛɛ mɛ ɡɛ.”

Rut Tɔn 1:15

Anee Naomi ŋɔ o be ŋɔ, “Nyiŋi na, he nahaahnee bera dɛɛ kaa o harɛ ta ne ba voɡa bini la. He ɡe ka puu hé kaa.”

2 Samoɛl 19:39

Anomanta, nɛra la bwa ɛɡɛ Jɔɔdan Moo la le asɛ Kooro Devid ɡe teŋɛ. Asɛ kooro kal Baasilai dɛ ɡbaaro pɛl o te, dɛ swee andɛɛɡa tɛo, asɛ Baasilai berɛ kaa dem.

Rut Tɔn 1:7

Ba bwa leɔ dɛ kpɔ Juda ŋwɛnɛ ta dɛɛ kaa.

Rut Tɔn 2:11

Asɛ Boas chaŋe ŋɔ, “He jaa seo habɔɔ la, n no waa bwa haa ɛa dɛ tɛ he helahaah. N no ɡɛ haa ɡel he nya ne he mɛɛ, ne harɛ haa le o ta, dɛ ba so nɛra haa wola ban jemɛ bwa bini nɔ.