Tɔn Pɔɔl Aa Chwerɛ Rom Tena 9:2 - mzwDBL

² N tea bini chɔɡɔ, n bambile ɡe aa n wee ɡel bwa.

Tɔn Pɔɔl Aa Chwerɛ Rom Tena 9:2 Referans Kwoze

Felepae 3:18

dɛkalkɛŋɔ nɛra warɔ baa wola ɡɛ ŋwɛnɛ la ta teŋɛ. N fa baɡle ba waa he be kera aŋwɛnɛ bwa, dɛ berɛ dɛɛ baɡle heyaa taraken sinii ne ŋɔ ba ɛ Yeesu Kristo seo waa sewa daɡaɡre la ta la waa dɔm.

Wiile 3:51

N nyiŋi waa aa pu haahna bwa baa lɔ bwɛjen Jerusalam la aa, dɛ n bambile chɔɡɔ.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Aesaya 66:10

He banɔ la haa dɛ nyin Jerusalam waa la, he ne ó pɛ lɛ sie. Nɛra haa wia tɛo bwa ɡe hɛɡre.

1 Samoɛl 15:35

Samoɛl ta Kooro Sɔɔl nae kpa, dɛ ka tel o serewe wee. Dɛ o wio dɛɛ tɛo te. A we Korowii nɛɛ kɛ waa cheɡo kora Israel.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Tɔn Pɔɔl Aa Chwerɛ Rom Tena 9:1

Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.