Biblia Todo Logo
Bib sou entènèt

- Piblisite -




Tɔn Pɔɔl Aa Chwerɛ Rom Tena 8:7 - mzwDBL

7 Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Gade chapit la Kopi




Tɔn Pɔɔl Aa Chwerɛ Rom Tena 8:7
28 Referans Kwoze  

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.


He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.


N bambile fe lawɛ Korowii Mmara la ta teŋa,


Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.


Baa ɛ bwɛpaɡre nɛraa, ba sie ɛɛ do wɔrɔbee, dɛɛ maŋkura ba te. Baa kpɔ silɛɛ kwaa ɡwaa Korowii.


He fa aa Korowii jemɛ dɛ ɛ o dɔma, dɛkalkɛŋɔ he fa dɛ lii liichɔɡa, dɛɛ ɛ wechɔɡa.


ásɛ ya waa do sweih kɛŋɔ Mmara la aa baɡla ŋɔ yá do la. Yaa nɛwɛnyini mar liichɔɡa aa suu nɔ waa ta teŋɛ, Korowii Domadɛɛɡe waa taa yaa teŋɛ.


Dɛ ya ne Korowii fa dɔmɔ, asɛ o che o Bie Yeesu seo la ta dɛ ɡel ya ne o pɛ aa, ya ne Korowii aa pɛa taraken nɔ, a te ta kwaraa laa wɛɛ ba o Bie Yeesu seo ta ira, ne o le doe nɔ waa koeh dɛ́ lɛ yaa aa?


Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.


Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.


Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.


Baa dɔŋa wedɛɛɡa bol, ba hah Korowii, ba siwi aa nɛn tɔɡɛ, ba jenu, ba mbarafo. Saŋ bɛlbwaa baa nyin ŋwɛnɛfala dɛ́ ɛ wechɔɡa. Ba siwi aa ba mɛɛnanar ne ba nyare su.


Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.


Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!


Anomanta, naate waa berɛ Mmara la bini onjeɡa bɛlbwa dɛ́ berɛ chaɡle bane ɡe bá ɛ ɡɛ la, waa bɔr dɔe ba Korowii Kora bini. Naate ɡe waa dɛ teŋɛ Mmara la ta, dɛ́ chaɡle bane ɡe baa ɛ ɡɛ la, wɛɛ dɔ nomonsoŋnibɔree Korowii Kora bini.


Itiopia te ɛɛ won charɛ bwadabi aa? Kɛɛ noniete ŋɔ waa nyin kɛ o bwara lɛɡre aa? Gɛɛ he nɛra wechɔɡa aa jooɡe heyaa nɔ aa wola won ɡel hɛɛ ɛ wedɛɛɡa.


asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.


Gɛna ɡboo yon ŋɔ, “Korowii toole.” Nɛndɛɛɡe bɛlbwa toole ba bini, wechɔɡa ɡboo ba bwa, nɛmbeŋkpoŋ kwaraa toole dɛɛ ɛ wedɛɛɡa.


Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.


He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.


Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,


he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?


Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’


Swiv nou:

Piblisite


Piblisite