Tɔn Pɔɔl Aa Chwerɛ Rom Tena 8:18 - mzwDBL

¹⁸ Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.

Tɔn Pɔɔl Aa Chwerɛ Rom Tena 8:18 Referans Kwoze

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

2 Tesalonika 2:14

Yanee fa bol Amanesoma la baɡle heyaa he no la, asɛ Korowii che a ta le heyaa ásɛ he ne ya Dɔɔ Yeesu Kristo won pɛ dɔ jirima.

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

Hibru 11:35

Korowii yaradae nomanta, ba wono chum haahna bane nɛra baa serewa. Nɛra bane ɛ ba bini bane ɡe hɔhɔrɔwa kɛŋɔ bá fe vɛh Korowii nɛɛ teŋa, kɛ ba ta ba nyu dɔe waa koɛh dɛ vɛh, ɡɛ aa ɛ ásɛ ba won ba ir seo ta dɛ́ dɔ bodɛɛɡe do.

Tɔn Pɔɔl Aa Chwerɛ Rom Tena 8:19

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.