Tɔn Pɔɔl Aa Chwerɛ Rom Tena 7:22 - mzwDBL

²² N bambile fe lawɛ Korowii Mmara la ta teŋa,

Tɔn Pɔɔl Aa Chwerɛ Rom Tena 7:22 Referans Kwoze

Yela 1:2

Ba sie dɛ lɛ Korowii waa ta, dɛɛ hweli o Mmara la chɔɔ ne jwaana.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Yela 119:35

Chaɡ mɛ he waa ŋwɛnɛre mɛɛ kpɔ a ta, dɛkalkɛ a taa mɛɛ dɔ silɛɛ.

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

Yela 119:92

Dɛ he waa ta laa n silɛɛ che naa, n fe sewɛ n wenaale ta.

Yela 119:16

N dɛ nyin he Mmarare la kohona, maa he waa laanee vɛh.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Yela 119:174

N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.

Yela 119:167

N dɛ nyin he Mmarare la n bambile bwa ne, dɛɛ teŋɛ a ta.

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Yela 119:24

He Mmarare laanee dɛɛ tɛ mɛ silɛɛ, anee dɛɛ ja mɛ.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:113

N hah nɛra baa wola bambile bwa kpɔe dɛɛ tomɛ, kɛ n te dɛ nyin he Mmara la.

Kolosi 3:9

He bɛ nyosone teŋe dɛɛ tɛ dɔŋa, dɛkalkɛŋɔ he laa he dabene la ne o we-ɛɛla la bwa kpɔ he nɛ,

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

Lewi Dea Tena 13:39

sɔfo la chɛ kɛ ó nyiŋi naate dɛ́ na. Dɛ kompoŋa la ta denɛ to kpelkpel ɡɛ naa, amɔ dɛ bwadabii weepɛɛ, doŋa toole naate nɛ.

Yelsom 5:3

N laa n batakaare foo, a chɛ kɛ ń berɛ kpɔ do ja aa? N sarame n nakpale, ń berɛ kpɔ valɛ harɛpɛɛ aa?