Tɔn Pɔɔl Aa Chwerɛ Rom Tena 6:18 - mzwDBL

¹⁸ Korowii le heyaa wechɔɡa yawa a fa aa yawɛ heyaa yom la ta. Taraken nɔ, he berɛ yoma dɛ tɛ wedɛɛɡa ɛɛ.

Tɔn Pɔɔl Aa Chwerɛ Rom Tena 6:18 Referans Kwoze

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Amanesoma Jɔn Aa Chwera Tɔn 8:32

dɛ won jemɛ kasinteŋ la, asɛ kasinteŋ la ɡel he dɔ he te.”

Tɔn Pɔɔl Aa Chwerɛ Rom Tena 6:7

Nomɛlbwa waa sewa la, o fooro le wechɔɡa kpeɡri aa dɛ di la be pera.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

1 Pita 2:16

Hé so kɛŋɔ nɛra haa dɔ he te haa wola yoma ɛɛ. Kɛ he bɛ dɔe haa dɔ he te la kpɔ dɛɛ ɛ wechɔɡa. Hé ɡel nɛra na kɛŋɔ Korowii bonɔɔna ne tolii heyaa he soɡa bini.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Yela 119:45

Mɛɛ valɔɔ maa wola ɔmɛ, dɛkalkɛŋɔ n teŋɛ he Mmarare ta.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 116:16

N Naa Korowii, n ɛ he bonɔɔ kpela, n tomɛ ɡɛ n nya aa tomɛ. He lɛɛ mɛ le seo nyoa.

Amanesoma Jɔn Aa Chwera Tɔn 8:36

Anomanta, dɛ men Korowii Bie la lɛ heyaa dɛ ɡel he dɔ he te naa, amɔ te dɛ he dɔ he te kɛrɛdɛ.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,