Tɔn Pɔɔl Aa Chwerɛ Rom Tena 16:7 - mzwDBL

⁷ Hé ŋɔ n bwɛɛ tena Andronikus ne Junias ba fa aa do n ne ba dea ka la be ŋɔ n dɛ na ba. Ba ɛ nɛra bane ba sɔn aa lea Yeesu toroma bini. Ba tɔ sie ɛ asɔre tena n nɛ.

Tɔn Pɔɔl Aa Chwerɛ Rom Tena 16:7 Referans Kwoze

Tɔn Pɔɔl Aa Chwerɛ Rom Tena 16:21

Timoti n ne waa dɛ ɛ toma la dɛ na heya. Lusias ne Jasen, dɛ Sosipata ba bwa aa ɛ n bwɛɛ tena la dɛ na heya.

Tɔn Pɔɔl Aa Chwerɛ Rom Tena 16:11

N dɛ na n bwɛɛ te Herodion. N dɛ na Nasesos dem tena la baa ɛ asɔre tena la bwa.

Faelemɔn 1:23

Epafras baa koh Yeesu Kristo waa dɛ do n ne on dea la dɛ nae.

Kolosi 4:10

Aristakus baa do n ne on dea la, ne Banabas nime Mak dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Galaasia 1:22

A ɡɛ saŋ la, dɛ Juda harɛ asɔre tena la ta men nae siwi ne mɔɔ.

2 Kɔrent 5:17

Nomɛlbwa o ne Yeesu Kristo aa pɛa la, o berɛ nɛnfale. O ɡel o webena o fa aa dɛ ɛ la, dɛ charɛ dafale.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

1 Jɔn 4:13

Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ kpela, yá kpɔ ya te pɛlo, ásɛ o ɡe lawɛ yaa pɛl o nɛ.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Amanesoma Jɔn Aa Chwera Tɔn 14:20

Tɔpere la telaa, hɛɛ jemɔɔ kɛŋɔ n ne n Mɛɛ ɛ beŋkpoŋ, bɛl aa wola won daɡre o te o dɔŋ nɛ, ásɛ n ne he ɡe ɛ beŋkpoŋ ɡɛ tenten.

Amanesoma Jɔn Aa Chwera Tɔn 6:56

Nomɛlbwa waa di n bo-ol asɛ dɛ nyɔ n chal la, n ne wɛɛ ɛ beŋkpoŋii, waa wola won daɡre o te n nɛɛ kpa.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Galaasia 2:2

Korowiirii ɡela n jemɛ dɛ la ba be. N tɔ sie la asɔre tena nomonome be n ne ba ɡbo so, n baɡle Yeesu Amanesoma maa dɛ bol nɛra baa wola Juu tena ɛɛ be la bwa ásɛ ba jemɛ n wa, ásɛ n toma maa ɛa ne anɔ la n ta aa dɛ ba ɛɛ la bɛ pɛɛ ɛ.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Tɔn Pɔɔl Aa Chwerɛ Rom Tena 16:3

N dɛ na Presela ne Akwela n ne ba bwa aa dɛ ɛ Yeesu Kristo toma nɔ la.

Tɔn Pɔɔl Aa Chwerɛ Rom Tena 16:6

N dɛ na Mɛɛre waa dɛ ɛ toma he bini ɡa la.

Tɔn Pɔɔl Aa Chwerɛ Rom Tena 16:8

N dɛ na Ampelatos waa ɛ n chamenate ya Dɔɔ Yeesu nɛɛ teŋa ta la.

Tɔn Pɔɔl Aa Chwerɛ Rom Tena 16:9

N dɛ na Ɔrbanus ya ne o bwa aa dɛ ɛ Yeesu Kristo toma nɔ la, ne n chamenate Stakes.

Tɔn Pɔɔl Aa Chwerɛ Rom Tena 16:10

N dɛ na Apeles wekpeɡa aa puu o ta che kiŋkiŋ Yeesu Kristo waa nɔ ta la. N dɛ na Aristobulus dem tena bwa.

2 Kɔrent 12:2

N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema.