Tɔn Pɔɔl Aa Chwerɛ Rom Tena 15:30 - mzwDBL

³⁰ Yabala, n kpɔ ya Dɔɔ Yeesu Kristo ne nyina Korowii Domadɛɛɡe la aa ɡela yaa nyin dɔŋa la, dɛɛ soŋe heyaa kɛŋɔ he cha mɛ dɛ́ swɛɛ siwi soŋe Korowii tɛ mɛ.

Tɔn Pɔɔl Aa Chwerɛ Rom Tena 15:30 Referans Kwoze

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

2 Kɔrent 1:11

Hé cha yaa dɛɛ soŋe Korowii, ásɛ dɛ o baa no he wesoŋa dɛ cha yaa aa, nɛra won kpɔ jam tɛo pirim dɛ́ tɛ yaa kɛŋɔ waa no nɛndamanta wesoŋa baa soŋa tɛ yaa la.

1 Tesalonika 5:25

Yabala, hé soŋe Korowii dɛɛ tɛ yaa.

2 Kɔrent 4:11

Yaa soɡe le nɔ, Yeesu nomanta, saŋ bɛlbwaa ya so seo nyoa, ásɛ nɛra na o mkpa ya bwadabii waa won sewa nɔ aa dɔa.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

Felepae 2:1

Haa dɔ ɡbemba pɛɛ he ne Yeesu Kristo aa pɛa la ta, o nyina ɡee larawe heyaa bwara, he dɔ Korowii Domadɛɛɡe ɡe wɛɛ cha heya, dɛ dɔ nɛnnyin he chal do dɔŋa nɛɛ nɔ,

Kolosi 2:1

N dɛ nyin he jemɛ ɡɛ n siwi aa swɛɛra mɛɛ koh n te he ne Laodisia tena ne nɛra baa wola men jemɛ la wa,

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

Kolosi 1:8

O bol ya be ɡɛ Korowii Domadɛɛɡe aa cha heyaa asɛ hɛɛ nyin dɔŋa.

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.