Tɔn Pɔɔl Aa Chwerɛ Rom Tena 15:18 - mzwDBL

¹⁸ Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 15:18 Referans Kwoze

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

We-ɛɛla 21:19

Pɔɔl ne ba lea dɔŋa, asɛ o baɡle waa bwa Korowii aa chao o won ɛ nɛra baa wola Juu tena ɛɛ la harɛre ta.

Galaasia 2:8

Dɛkalkɛŋɔ ɡɛ Korowii aa baɡle o kpeɡri Yeesu torome Pita nɛɛ wɛɛ tomɛ Juu tena bini la, ɡɛɛ o baɡle o kpeɡri men maa ɛ Yeesu torome nɔ nɛɛ mɛɛ tomɛ nɛra baa wola Juu tena ɛɛ bini.

Sɛɡla 25:14

Nɛn waa baɡɛ nyoa kɛ wɛɛ tɛ komɛlee waa wola tɛ la, o do kɛŋɔ baama ne peu aa wola bwaala ne ba ken.

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.

Jems 1:22

He bɛ waa la no dɛ́ ɡel a ɛɛ. Dɛ he dɛ ɛ ɡɛ naa, he dɛ neɡre he te. Hé ɛ ɡɛ waa la aa baɡla la.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

2 Kɔrent 12:6

Dɛ n ŋɔ ń kpɔ n ɡbaɡba we-ɛɛla maŋkura n te kwaraa naa, ɡɛnewaa laa te, dɛkalkɛŋɔ a ɛ kasinteŋ. Menee ɡɛ nɛn la, kɛ maa nyin n kpɔ ɡɛ waa la maŋkura n te. Dɛ n waa maa dɛ ɛ nɛra ɛɛ na, ne anɔ la baa dɛ no ta laa aa, maa nyin kɛ nɛra kpɛɛ mɛ wobɛlbwa ta.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 15:4

Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.