Tɔn Pɔɔl Aa Chwerɛ Rom Tena 15:1 - mzwDBL

¹ Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Tɔn Pɔɔl Aa Chwerɛ Rom Tena 15:1 Referans Kwoze

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Tɔn Pɔɔl Aa Chwerɛ Rom Tena 14:1

Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

1 Jɔn 2:14

N bidɛɛɡa, n chwerɔ dɛɛ tɛ heya, dɛkalkɛ he jemɛ ya Mɛɛ waa lɔ nyundua la. Nomonome, n chwerɔ dɛɛ tɛ heya, dɛkalkɛ he jemɛ naate waa lole le mumpar bwa la. Bonɔɔna, n chwerɔ dɛɛ tɛ heya, dɛkalkɛ he bwaraa kpeɡa, Korowii waa la do he bambile bini. Heyaa wona pɔ Bɔnsam nɛ.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

Tɔn Pɔɔl Aa Chwerɛ Rom Tena 4:20

O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

1 Kɔrent 4:10

Yeesu Kristo nomanta, ya ɛ ɡɛna nɛra be, kɛ he dɛ yerɛ he te wejerema o waa ta. Ya ɛ nɛŋɡwɛɡra nɛra be, kɛ he ɛ he te o kpeɡnɛra. Ba dɛ duu heya, dɛ lawɛ ya te sie dɛɛ teɡɛ harɛ.

Tɔn Pɔɔl Aa Chwerɛ Rom Tena 14:2

Bɛl yarada ɡelɔ o won komɛlbwa dii, asɛ naate o yarada aa wola kanɛ la, o ɡee di papooni ne taŋna ɡbo, waa ol di.

Felepae 2:4

He bɛ ɡel he ɡbo waa hiah heya. Hé ɡel he dɔŋa ɡe waa hiah heya.