Tɔn Pɔɔl Aa Chwerɛ Rom Tena 14:9 - mzwDBL

⁹ Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.

Tɔn Pɔɔl Aa Chwerɛ Rom Tena 14:9 Referans Kwoze

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Amanesoma Luk Aa Chwera Tɔn 24:26

A ta chɛɛ kɛŋɔ Kristo la Korowii aa ŋɔa ŋɔ wɛɛ tomɔɔ ó ba lɛ yaa la na ɡɛ wahala nɔ bwa mɔɔ ásɛ dɛ dɔ Korowii Kora la di kɛɛ?”

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

1 Pita 4:5

Anɔ bwa baa dɛ ɛ nɔ, baa ba tɔh ba nyoa Korowii siee. O kpɔ o te dɛɛ ba weera ne lala bwa waa bola dɛ́ pa bole.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,

Amanesoma Jɔn Aa Chwera Tɔn 12:24

Kasinteŋ, dɛ ba ta boyubii kpɔe du o pɔh aa, waa won ya. O ɡboo dɛ do le. Dɛ he duu te naa, o dɛ le dɛ ya kɛrɛdɛ.

Tɔn Pɔɔl Aa Chwerɛ Rom Tena 10:9

Dɛ he nɛn kpɔ nyoa ŋɔ komɛlbwa Dɔɔree Yeesu, dɛ yarada he bambile bini kɛŋɔ Korowii iru seo ta naa, Korowii ɛɛ lɛɛ,

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.