Tɔn Pɔɔl Aa Chwerɛ Rom Tena 14:4 - mzwDBL

⁴ Henee umeo he won pwah nomɛl bonɔɔ nɔ? O dɔɔ ɡbaɡbaa dɔ ŋwɛnɛ kɛŋɔ ó won baɡle kɛ o bonɔɔ dɛ ɛ waa kɛɛ waa waa ɛ. Waa ɛ ya Dɔɔ Yeesu Kristo bonɔɔ la nomanta, wɛɛ ɛ waa, dɛkalkɛŋɔ wɛɛ wonoo chao o ɛ wa.

Tɔn Pɔɔl Aa Chwerɛ Rom Tena 14:4 Referans Kwoze

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Yela 37:24

Ba lɔ naa kwaraa naa, baa chole, dɛkalkɛ o laɡ ba kpoŋe.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Tɔn Pɔɔl Aa Chwerɛ Rom Tena 14:3

Naate waa dɛ di komɛlbwa la, a ta chɛɛ kɛŋɔ wɛɛ lii naate waa wola ol di la nɛndoŋ. Naate waa wola ol di la, o bɛ naate waa dɛ di komɛlbwa wechɔɡ-ɛɛ dɛɛ lii, dɛkalkɛŋɔ Korowii lɛo dɛ ɛo o bie.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Aesaya 40:29

O won banɔ la baa ɡwɛɡra bokpeɡa tɛɛ, dɛ won banɔ la baa wola kpeɡri dɔe ɡe kpeɡri jae.

Yela 37:28

Waa aa wera dɛ toɡre laanee Korowii ɛɛ nyin, waa nɛra ba wa aa dɔ kasinteŋ laanee ɡel. Korowii ɛɛ kpɔ nɔnee tɔ ba nɛ, saŋ bɛlbwa dɛɛ la, kɛ nyubinikpeɡ tena naanar te, wɛɛ doŋ baa le harɛ la ta.

Yela 17:5

He ŋwɛnɛ taa mɛɛ valɛ saŋ bɛlbwa, n ta kee le o ta bwa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

We-ɛɛla 11:17

Yaa baa yarada Yeesu la, kon Korowii aa kpɔa tɛ yaa laanee o tɛ nɛra nɔ la. Aah dɛ n ɡee umeo dɛ́ tɔŋle Korowii ɔ?”

Yela 37:17

dɛkalkɛ, Korowii ɛɛ sɔɔh nyubinikpeɡ tena nyoa, dɛ́ kpɔ nɔn tɔ nɛra ba wa aa toɡra nɛ.

Tɔn Pɔɔl Aa Chwerɛ Rom Tena 11:23

Dɛ Israel tena berɔ yarada Yeesu waa la te naa, Korowii ɛɛ berɔɔ lɛɛ ba do ba buɡ ta, dɛkalkɛŋɔ aa kpeɡe o be.