Tɔn Pɔɔl Aa Chwerɛ Rom Tena 14:1 - mzwDBL

¹ Dɛ Kristo te bɛl lole, o yarada aa wola kanɛ wɛɛ nyin o jo he bini naa, hé lɛo do he bini. He bɛ o we-ɛɛla aa korɛ he kwaa ta la dɛɛ tɔŋle.

Tɔn Pɔɔl Aa Chwerɛ Rom Tena 14:1 Referans Kwoze

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

Tɔn Pɔɔl Aa Chwerɛ Rom Tena 15:7

Anomanta, hé lɛ nɛra dɛɛ ja he nɛɛ ɡɛ Yeesu Kristo aa lɛ heyaa la, ásɛ nɛra na dɛ tɛ Korowii jirima,

Tɔn Pɔɔl Aa Chwerɛ Rom Tena 14:21

Waa aa toɡra kɛ hɛɛ ɛ laanee kɛŋɔ ol dii ne sen nyɔe, ne wobɛlbwa aa dɛ ba wona ɡel he dɔŋ lɔ naa chole la, a chɛ kɛ he laa he te kpɔ a ta.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.

Tɔn Pɔɔl Aa Chwerɛ Rom Tena 4:19

Dɛ Abraham di bene lafa tonɛ, dɛ waa kpeɡe kpa. Kɛ Korowii aa ŋɔa o naanar ɛɛ warɔɔ la, o ne o hwɛɛhra bwa, ne o haah Saara hambara ɛɛ bwa, o ta tɔŋlɛ.

Amanesoma Luk Aa Chwera Tɔn 17:2

Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa.

Matiu 14:31

Buɡ la ta, dɛ Yeesu tel bela dɛ lawɔ dɛ ŋɔ, “He yarada aa kanɛ kwara! Ɛrɛɛ he berɛ di tɔŋla nɔɔ?”

Matiu 12:20

Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ lawɛ bambile nɛra nɛɛ dɛ́ yo ka tel ɡɛ saŋ nɛra bwa aa ba jemɛ Korowii kasinteŋ ŋwɛnɛre la,

Aesaya 42:3

Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ ɡeloo nɛra bwa jemɛ kasinteŋ la.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Job Tɔn 4:3

He chaɡle nɛra ɡalɡa wa, dɛ cha banɔ la baa ɡwɛɡra ɡe ba dɔ bokpeɡa.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Felepae 2:29

Hé kpɔ silɛɛ dɛ́ lɛo, teŋa he ne o bwa aa dɛ teŋɛ ya Dɔɔ nɛɛ la nomanta. Hɛ́ɛ duu nɛra baa do kɛŋɔ on.

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Sekaria 11:16

N dɛ ba peteɡre bɛl ne harɛ la ta. Waa peera aa nyoɡra la bɔree ɡaaɡe, waa a bii nɛɛ nyiŋi, waa anɔ la baa doa bola laanee chah, waa anɔ la aa dɔ bokpeɡa la ɡe kondikwaa tɛ. Anɔ la aa do bwara la, wɛɛ kpoora dɛɛ chwe, hale dɛ́ teŋni a nafikokore dɛɛ ta.

Amanesoma Mak Aa Chwera Tɔn 7:19

Aa he bambile bini kaa. He teene binii aa kaa, ásɛ dɛɛ berɛ dahara.” Yeesu aa bol waa nɔ la, o baɡlɔ kɛ kondikwaa bɛlbwa wer. Aa won ɡel nɛn ɛ nɛnchɔɡe.

We-ɛɛla 28:2

Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee.

Tɔn Pɔɔl Aa Chwerɛ Rom Tena 11:15

Aa cheɡɛ Israel tena ne Korowii baah chɔɡa ta asɛ nɛwɛnyina kabora ne Korowii baah kwaa nɔ, dɛ Korowii berɔ lɛ Israel tena dɛ kpɔ ba ɛ o bii aa, bɔkwa nee aa ba bala ɔ? Aa ba silɛɛ nee kohona, kɛŋɔ lala bwa aa ir seo ta.

Tɔn Pɔɔl Aa Chwerɛ Rom Tena 14:2

Bɛl yarada ɡelɔ o won komɛlbwa dii, asɛ naate o yarada aa wola kanɛ la, o ɡee di papooni ne taŋna ɡbo, waa ol di.

Tɔn Pɔɔl Aa Chwerɛ Rom Tena 14:3

Naate waa dɛ di komɛlbwa la, a ta chɛɛ kɛŋɔ wɛɛ lii naate waa wola ol di la nɛndoŋ. Naate waa wola ol di la, o bɛ naate waa dɛ di komɛlbwa wechɔɡ-ɛɛ dɛɛ lii, dɛkalkɛŋɔ Korowii lɛo dɛ ɛo o bie.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.