Tɔn Pɔɔl Aa Chwerɛ Rom Tena 13:9 - mzwDBL

⁹ Korowii Mmara aa chaɡla kɛŋɔ, “Bɛ jwamane bɔ, bɛ nɛn kpo, bɛ ŋwɛ, bɛ ɡel he sie beɡre he dɔŋ kon la,” a ne anɔ la aa kaa la bwa lɔ a ɡɛ Mmara beŋkpoŋ nɔ waa dɛ baɡle kɛ, “Nyin he dɔŋ kɛ he ɡbaɡba” nɔ ta.

Tɔn Pɔɔl Aa Chwerɛ Rom Tena 13:9 Referans Kwoze

Matiu 22:39

Onɔ la waa jaa dɛ teŋɛ nɛɛ o waa hiah la ɡee kɛŋɔ, ‘Nyin he dɔŋ kɛ he ɡbaɡba.’

Amanesoma Luk Aa Chwera Tɔn 10:27

Asɛ baa la ŋɔ, “Dɛ hé nyin N Naa Korowii he bambile bwa, he hweera, he bokpeɡa ne he liire bwa ne, dɛ́ nyin he dɔŋ kɛ he ɡbaɡba.”

Amanesoma Mak Aa Chwera Tɔn 12:31

Onjen waa teŋa nɛɛ laanee nɔ. ‘Nyin he dɔŋ kɛ he ɡbaɡba.’ Mmara bɛlbwa toole dɛ ɛ onjen dɛ ɡwaa anɛ nɔ.”

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Amanesoma Luk Aa Chwera Tɔn 18:20

Kɛ he jemɛ Korowii Mmarare la aa dɛ baɡle kɛ, ‘Bɛ jwamane bɔ, bɛ nɛn kpo, bɛ ŋwɛ, bɛ nyosone teŋe dawɛ he dɔŋ nɛ, dɛɛ duu he nya ne he mɛɛ’ laɔ?”

Amanesoma Mak Aa Chwera Tɔn 10:19

Kɛ he jemɛ Korowii Mmarare laɔ? Anee, ‘Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ, bɛ he dɔŋ faah, dɛɛ duu he nya ne he mɛɛ.’ ”