Tɔn Pɔɔl Aa Chwerɛ Rom Tena 12:9 - mzwDBL

⁹ Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

Tɔn Pɔɔl Aa Chwerɛ Rom Tena 12:9 Referans Kwoze

Yela 34:14

Wɛ́ɛ ke o te wechɔɡa ta, dɛ́ɛ ɛ wedɛɛɡa. Ó swɛɛ siwi dɛ́ɛ ɛ waa aa dɛ ba nyopɛo ne.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Tesalonika 5:21

Kɛ hé nyiŋi ba webaɡla, ásɛ dɛ lawɛ anɔ la aa wera la bini.

Yela 101:3

dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

2 Kɔrent 8:8

N ta bolɛ dɛɛ bil a ɛ lao kɛŋɔ hɛ́ɛ kɛ. N dɛ nyin n jemɛ kɛŋɔ he nɛnnyin la ɛ nɛnnyin kasinteŋ. A waa n baɡle ɡɛ bane siwi aa swɛɛ kwaa kɛɛ ta la.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

Hibru 1:9

He dɛ nyin waa aa toɡra dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.”

Yela 119:104

A taa n dɔ wejema dɛɛ le, anomanta, n hah wechɔɡa nɛra aa dɛ ɛ.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Yela 119:163

N ki waa aa ɛ nyosone kwaraa, kɛ he Mmarare la te, n dɛ nyina.

Sɛɡla 26:25

O wobol la dɛ do som, kɛ bɛ on yarada, liichɔɡa bwa soo siwii lɔ o nyu bini.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Yela 36:4

Ba chɔ ba chɔɔbɔra kwaraa naa, baa wobɛlbwa aa wera ɛ, baa wechɔɡa bɛlbwa ɡe vɛh.

1 Tesalonika 2:3

Jae yaa dɛ ja nɛra la, kasinteŋ ŋwɛnɛ taa, neɡra laa yaa neɡre nɛra, wedoŋa ɡe laa ya lii.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Matiu 26:49

Judas den pa sie Yeesu be dɛ ŋɔ, “N Dɔɔ, he leaa?” O ɡbaaro pɛl o bambile dɛ mo o lwɛɛma.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.