Tɔn Pɔɔl Aa Chwerɛ Rom Tena 12:7 - mzwDBL

⁷ Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

Tɔn Pɔɔl Aa Chwerɛ Rom Tena 12:7 Referans Kwoze

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

2 Timoti 2:24

Nɛn waa ɛ ya Dɔɔ bonɔɔ ta chɛ kɛŋɔ o ne nɛn naɡre. A chɛ kɛ ó pwɛr o te tɛ nomɛlbwa, dɛ́ won nɛra kwaa baɡla kɛrɛdɛ, dɛ nɛn jo o nɛ aa, ó won lawɛ bambile,

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

Amanesoma Jɔn Aa Chwera Tɔn 3:2

Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Aesaya 21:8

Belaa nɛn waa dɛ daah la kpɔ takpeɡ ŋɔ, “Nomoa, chɔɔ ne jwaana bwaa n che dejaŋ doa dɛɛ daah.”

Wejereme 12:9

Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.

Yela 51:13

Ásɛ n baɡle wechɔɡ-ɛɛra he Mmarare la, bá charɛ ba liire, dɛ́ berɛ ba he be.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

1 Kɔrent 12:5

Toma ya Dɔɔ aa bɔna tɛ yaa la koɡrɔ, kɛ Dɔɔ beŋkpoŋ tomaa yaa ɛ.

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.