Tɔn Pɔɔl Aa Chwerɛ Rom Tena 10:17 - mzwDBL

¹⁷ He nyiŋo na naa, Yeesu Kristo waa la noe taa a che nɛra ɛɛ yaradaa, asɛ a bola ɡe taa a che nɛra ɛɛ noa.

Tɔn Pɔɔl Aa Chwerɛ Rom Tena 10:17 Referans Kwoze

Galaasia 3:2

Hé ɡel n bɔɔ heyaa webeŋkpoŋ. Mosis Mmara ta teŋa taa a che he dɔ Korowii Domadɛɛɡe la aa, kɛɛ haa no Yeesu Kristo waa la dɛ yaradaa taa a che nɔ?

Galaasia 3:5

Korowii Domadɛɛɡe nɔ waa tɛ heya, dɛɛ ɛ nyokpowaa he bini nɔ, dɛ Mosis Mmara ta teŋa waa o ɛ a bwa kɛɛ haa dɛ no o waa dɛ yaradaa la waa yɔ?

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Mak Aa Chwera Tɔn 4:24

Yeesu bolɔ ŋɔ, “Hé pese waa nɔ haa noa nɔ kɛrɛdɛ, dɛkalkɛŋɔ kpelaa ba ŋɔ, ‘Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe la, dɛ́ berɛ jae ane.’

Amanesoma Luk Aa Chwera Tɔn 8:21

Belaa Yeesu ŋɔ ba be ŋɔ, “N nya ne n nimanaree nɛra baa dɛ no Korowii Waa dɛɛ teŋɛ a ta la.”

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 10:14

Aah dɛ nɛn ta on yaradae dɛ kpɔ o te tɛo waa, ɛrɛɛ wɛɛ ba ɛɛ dɛ́ won yerɛ o sɔn ó lɛo wɔ? Dɛ nɛn ta o waa noɛ yaa, ɛrɛɛ wɛɛ ba ɛɛ dɛ́ won yaradao dɛ́ kpɔ o te tɛo wɔ? Dɛ nɛn ta o waa la bolɛ nɛn be naa, ɛrɛɛ wɛɛ ba ɛɛ ó noɔ?

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

Amanesoma Luk Aa Chwera Tɔn 8:11

Hé no sɛɡla la mun. Mea la cheɡɔ tɛ Korowii Waa la.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

Job Tɔn 42:5

Noe n no nɛra ɛɛ bol he wa, kɛ taraken, n ɡbabir kpɔ siwi nae.

Hibru 4:2

Gɛ yaa dɛ no Korowii Amanesoma nɔ, ɡɛɛ ba ɡe noa. Kɛ ba te aa noa la, a ta tɔnɔ leɛ tɛɛ ba, dɛkalkɛŋɔ ba ta an yaradae.

Amanesoma Jɔn Aa Chwera Tɔn 1:37

Waa ŋɔ ɡɛ la, o habɔteŋra banɛ la noɔ, dɛ ka teŋɛ Yeesu nɛ.