Tɔn Pɔɔl Aa Chwerɛ Rom Tena 10:16 - mzwDBL

¹⁶ Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Tɔn Pɔɔl Aa Chwerɛ Rom Tena 10:16 Referans Kwoze

Aesaya 53:1

Anee nɛra la chaŋe ŋɔ, “Umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?

Tɔn Pɔɔl Aa Chwerɛ Rom Tena 3:3

Amɔ dɛ ya bini bane ta Korowii yaradae yaa, wɛɛ koh a waa ásɛ o waa aa yaradaa dɔ aa?

Hibru 4:2

Gɛ yaa dɛ no Korowii Amanesoma nɔ, ɡɛɛ ba ɡe noa. Kɛ ba te aa noa la, a ta tɔnɔ leɛ tɛɛ ba, dɛkalkɛŋɔ ba ta an yaradae.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Galaasia 5:7

He fa dɛ teŋɛ ŋwɛnɛdɛɛɡe la ta kɛrɛdɛ. Bɔkwaa bala haa wola berɛ dɛɛ teŋɛ kasinteŋ ŋwɛnɛ la ta kpaɔ? Bɔkwaa tɔ heyaa ŋwɛnɛ ɔ?

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

We-ɛɛla 28:24

Nɛra la bane yarada o waa la, bane ɡe ta an yaradae.

Amanesoma Jɔn Aa Chwera Tɔn 10:26

Haa wola n peera ɛɛ waa haa wola men yarada la.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Matiu 13:14

Ba waa Korowii keame Aesaya faa bol la. O bolɔ ŋɔ, ‘Nɛra nɔ ɛɛ noo kohona, kɛ baa a mun jema ba, baa nyiŋuu kohona, kɛ baa a jema ba,