Tɔn Pɔɔl Aa Chwerɛ Rom Tena 1:9 - mzwDBL

⁹ Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

Tɔn Pɔɔl Aa Chwerɛ Rom Tena 1:9 Referans Kwoze

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

Tɔn Pɔɔl Aa Chwerɛ Rom Tena 9:1

Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

1 Tesalonika 5:17

dɛɛ soŋe Korowii saŋ bɛlbwa.

2 Kɔrent 1:23

Korowii waa jemɛ n nyu bini bwa la, onee n danseɛ te waa nɔ ta. N fa aa wola Kɔrent balɛ la, maa nyin kɛ n ba chɛɡre heyaa he wechɔɡa waa ásɛ he bambile chɔɡ, a waa n ta balɛ.

1 Tesalonika 3:10

Ya dɛ soŋe Korowii chɔɔ ne jwaana bwa, ásɛ dɛ na he siebɔr ja, dɛ́ bol waa aa dɛ ba wona cha heyaa he yarada bini, ásɛ he do kpeɡri ja.

1 Tesalonika 1:2

Ya dɛ jam Korowii tɔpere bɛlbwa dɛ yon dɛɛ yerɛ he sɔna ya Korowii soŋa bini.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 1:4

dɛ́ yon kpɔ silɛɛ dɛ́ soŋo dɛɛ tɛ he bwa,

We-ɛɛla 27:23

Waa aa ɡela n ŋɔ ɡɛ laanee kɛ, dɛ jwaana ne la, Korowii waa dɔɔ mɛ dɛ ɡel mɛɛ ɛ o toma la, o torome ba n be,

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

Felepae 2:22

He ɡba jemɛ ɡɛ o waa aa dɔ kasinteŋ dɛ do wer. N ne o pɛo wɛɛ cha mɛ Amanesoma toma la ta kɛŋɔ bechala ne o mɛɛ.

Galaasia 1:20

Kasinteŋii mɛɛ chwerɛ la. Korowii ɡba jemɔ kɛ nyosone laa.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

We-ɛɛla 24:14

Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Mak Aa Chwera Tɔn 1:1

N dɛ nyin n baɡle heyaa amanesoma aa le Korowii Bie Yeesu Kristo waa la ta. A mumparee nɔ.

Job Tɔn 16:19

Taraken, n dɔ nomɛl nyundua waa dɛ ba n naa ta cheɡa, dɛ́ bol n waa tɛ mɛ.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

Faelemɔn 1:4

N Korowii soŋa bini te bɛlbwa, n dɛ yerɛ he Faelemɔn sɔn dɛ kpɔ jam dɛɛ tɛ Korowii,

Felepae 1:3

Saŋ bɛlbwa maa lii he waa la, n dɛ jam N Naa Korowii he wa,