Tɔn Pɔɔl Aa Chwerɛ Rom Tena 1:29 - mzwDBL

²⁹ Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

Tɔn Pɔɔl Aa Chwerɛ Rom Tena 1:29 Referans Kwoze

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

Sɛɡla 16:28

Nɛnchɔɡee kpɔ waa dɛɛ perɛ, onee dɛɛ ba waa ne, dɛɛ peɡri daamanar baah.

Sɛɡla 26:20

Gɛ nindaa hɔɔ tonaa, nii yon dime la, ɡɛɛ nɛn ŋwala ɡe toole naa, naɡra toole.

Yela 41:7

N dɔma pɛo dɛɛ ŋwal mɛ, ba lii wechɔɡa dɛɛ tɛ mɛ ŋɔ,

Tɔn Pɔɔl Aa Chwerɛ Rom Tena 3:10

Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole.

Matiu 5:32

Kɛ taraken te, n ŋɔ baa bɛlbwa o haah naa wola baala nyine, asɛ o vɛoh la, o di bolchɔɡe, dɛkalkɛ o ɡelɔ haah la bɔ jwamane. Asɛ naate ɡe waa bera ka mo haah la baa vɛoh la, o ɡe bɔ jwamane.”

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.