Tɔn Pɔɔl Aa Chwerɛ Rom Tena 1:20 - mzwDBL

²⁰ Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Tɔn Pɔɔl Aa Chwerɛ Rom Tena 1:20 Referans Kwoze

Tɔn Pɔɔl Aa Chwerɛ Rom Tena 1:19

Korowii wobɛlbwa nɛwɛnyini aa wona jemɛ la, o ɡelɔ ba naa chasee ken. O ɡbaɡbaa pili a bini baɡ ba.

Aesaya 40:26

Hé ha sie dɛ nyiŋi nyundua ne kwaa aa lɔ o ta. Korowiirii ta weweela dɛ ɡel a le beŋkpoŋa beŋkpoŋa dɛ warɛ, asɛ o pa bɛlbwa sɔn. O kpeɡri waa dɔa kohona nomanta, beŋkpoŋ kwaraa ta nyoɡrɛ.

Yela 8:3

Dɛ n ta sie dɛ nyiŋi nyundua, dɛ lii kwaa haa taa, ne ɡɛ haa kpɔ korobie ne weweela cheɡ a chebɔra aa,

Tɔn Pɔɔl Aa Chwerɛ Rom Tena 2:15

Ba we-ɛɛla chaɡlɔ kɛŋɔ waa Mosis Mmara la aa dɛ baɡle la lɔ ba bambile bini. Ba liire ɡba dɛ di danseɛ ɡɛ waa nɔ ta, dɛkalkɛŋɔ a tel ane ta naa, ba ɡbaɡba liire yon ɛɛ ba kɛŋɔ ba ɛ wechɔɡa, ane ɡe ta ba ɡbaɡba liire yon ɛɛ ba kɛŋɔ ba ɛ wedɛɛɡa.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 15:22

N fe ta balɛ dɛ ba bol waa chaɡ ba aa, ba fe aa bolchɔɡee di. Kɛ taraken baa noa dɛ laa ba liire kpɔ a ta nomanta, ba ta nyoa dɔe dɛ́ bol le kpa.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Kolosi 2:9

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini.

Yela 139:13

Henee ta n bwa, dɛ ta mɛ pɛ n nya tea bini.

Yela 119:90

He kasinteŋ lole ka tel ya naanar baa teŋɛ dɔŋa nɛɛ bwa. Henee kpɔ harɛ cheɡ o chebɔr asɛ o do le.

Yela 104:5

He kpɔ harɛ chɔŋɛ kwaa ta a lawɔ kpoŋe, o che kiŋkiŋ waa wola yiiɡi bwa.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Yela 104:31

N dɛ soŋe kɛŋɔ, N Naa Korowii jirima do le saŋ bɛlbwa dɛɛ la! N dɛ soŋe kɛŋɔ, o sie lɛ kwaa waa taa la ta.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

Mumpar 1:1

Komɛlbwa mumpar la, Korowii ta nyundua ne harɛ.

Job Tɔn 12:7

He dɛ nyin waa dɛ hweli aa, he bɔɔ ola ne jumbii á baɡle heyaa wa,

Jeremia 51:15

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Amanesoma Mak Aa Chwera Tɔn 10:6

Gɛ laa a fa do wubwa. Korowii aa ta kwaa bwa mumpar la, ‘Baa ne haahnee o ta.

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.