Tɔn Pɔɔl Aa Chwerɛ Rom Tena 1:18 - mzwDBL

¹⁸ Korowii baah di nɛra ba wechɔɡa aa tɔ o kasinteŋ waa la ŋwɛnɛ asɛ a sɔɔh ba la nɛ. O baah dɛ di ba wechɔɡa la ta kɛrɛdɛ.

Tɔn Pɔɔl Aa Chwerɛ Rom Tena 1:18 Referans Kwoze

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Kolosi 3:6

A ɡɛ waa nɔ, Korowii bwaawee dɛ ir a ta taeh. Wɛɛ kpɔ wahalaa ta nɛra baa dɛ ɛ deŋnekpeɡ dɛɛ ɛ ɡɛ la nɛ.

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Tɔn Pɔɔl Aa Chwerɛ Rom Tena 5:9

Yeesu Kristo seo taa a che asɛ Korowii ɡel ya ɛ nɛndɛɛɡa ya waa su o siwi. Aah dɛ Korowii bwaawee baa ir nɛra nɛ aa, a te taa Yeesu Kristo aa wola won lɛ yaa aa?

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 2:3

Kɛ he te, waa haa dɛ pwah nɛra a waa la, anee he ɡee ɛ. He dɛ lii kɛŋɔ Korowii aa he te waa bola ba dɛ́ pa bole kɛɛ?

Tɔn Pɔɔl Aa Chwerɛ Rom Tena 1:19

Korowii wobɛlbwa nɛwɛnyini aa wona jemɛ la, o ɡelɔ ba naa chasee ken. O ɡbaɡbaa pili a bini baɡ ba.

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

Kaala 23:7

He bɛ nyosone teŋe dawɛ nɛn nɛ. He bɛ nɛn waa wola waane bini jemɛ, kɛɛ nɛn o wa aa dɔ kasinteŋ bolchɔɡe pa dɛ́ kpoo. Maa nomɛlbwa waa di bolchɔɡe la bwaraa kpɔ kɛo.

Tɔn Pɔɔl Aa Chwerɛ Rom Tena 3:9

Taraken nɔ, ŋwɛnɛ besoo taa ya Juu tena ɡwaa he nɛra haa wola Juu tena ɛɛ yɔ? Ya ta heyaa ɡwaalɛ. N fa baɡlɔ kɛŋɔ ya Juu tena ne he nɛra haa wola Juu tena ɛɛ la, ya bwa ɛ wechɔɡ-ɛɛra.

2 Tesalonika 2:6

Hé jemɛ kɛŋɔ komɛlee tɔɔ ŋwɛnɛ o le kahonɛ la, nemenɛ o saŋ tel.