Obadia 1:21 - mzwDBL

²¹ Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

Obadia 1:21 Referans Kwoze

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Jems 5:20

Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

Yela 22:28

N Naa Korowii ɛ kooro, dɛɛ di kora harɛre nɛra bwa nɛ.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Aesaya 19:20

Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba.

Sitɔɔla 2:16

Ate, Korowii tɛɛ ba sitɔɔla, asɛ ba lɛɛ ba le nɛra ba yon ba lɔ tɔ ba nɛɛ dɛ pa ba laala la nɔn ta.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Matiu 6:10

Baɡle he kora dii harɛ nɔ ta. Gel ya ɛ he tetoowaa harɛ nɔ ta, ɡɛ baa dɛ ɛa nyundua la.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Daneɛl 12:3

Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Yela 102:15

Harɛre nɛra bwa ɛɛ ɔmɛ Korowiirii, ásɛ koranar baa lɔ harɛ nɔ ta bwa ɡe kpɛɛ o jirima waa dɔa.

2 Koranar 13:5

Korowii le nɛn tɛ Israel tena, asɛ o lɛɛ ba le Siiria tena lɔɡa, ba berɛ so deŋnesɔɔhna ta ɡɛ ba fa aa soɡa wubwa la.

Sitɔɔla 3:9

Kɛ ba wio yerɛ Korowii, asɛ o le Kenas bibaa Otniel o ba lɛɛ ba. Dɛ Kaleb nimee on.

Nehemia 9:27

Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

Yela 47:7

Korowii dɛ di kora harɛ nɔ nɛra bwa nɛ, hé ɡo yela kpɛɛro.

Yela 67:4

Gel harɛre nɛra bwa ɡo silɛɛ yela, dɛkalkɛŋɔ he bol waa dɛɛ pa bole aŋwɛnɛ ta, dɛɛ baɡ ba ŋwɛnɛ baa kpɔ o ta.

Mumpar 25:23

Anee Korowii ŋɔ o be ŋɔ, “Harɛre nɛra banɛ nomonomaa lɔ he tea bini. Ba baah dɛ́ ba doe kɛŋɔ kolmaala ken. Beŋkpoŋ ɛɛ dɔ kpeɡrii ɡwaa o dɔŋ, ásɛ nomoa la ɛɛ tomɛ bechala la.”

Yela 22:29

Nɛra baa dɛ ɛ mbarafo bwa ɛɛ ba tomɔɔ, nɛwɛnyina bwa ɛɛ ba ɡuŋuu.

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”