Obadia 1:10 - mzwDBL

¹⁰ Edom tena, haa cheɡɛ ŋwɛnɛchɔɡe ta kpoo he lolanar baa ɛ Jekɔb naanar nomanta, chɔɡaa hɛɛ ba chɔɡa, dɛ́ di ncho saŋ bɛlbwa dɛɛ la.

Obadia 1:10 Referans Kwoze

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Ɛsekeɛl 35:9

Mɛɛ chɔɡ harɛ laanee kwaraa, ásɛ nɛra aa won berɛ ba so o ta kpa. Anee hɛɛ ba jema kɛŋɔ menee Korowii.

Yela 89:45

He teŋe o bonɔɔne saŋ tɔpere ta, dɛ ɡel o di ncho.

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Joel 3:19

Ijipt harɛ dɛ ba pɛɛ chɔe, ásɛ Edom harɛ berɛ pua hɛŋle ɡbo harɛ, yoi baa kaa yo Juda harɛ ta tena, dɛ kpoo nɛra baa wola wechɔɡa ɛɛ la wa.

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Wiile 4:21

Edom ne Us tena, hé hɛɡre dɛ́ ɡel he sie lɛ. He ɡe chɔɡa dɛ ba, hɛɛ yɛɛɡoo mumɡbal ne, ásɛ sihiih kpo heya.

Jeremia 51:51

He ŋɔ, “Sihiih kpo yaa ya di ncho, dɛkalkɛ nɛŋhɔɔhra dɔ bɔr jo Korowii Dea bɔra aa do ɡoroŋ bela.”

Jeremia 49:13

N ŋwɛɛ n ɡbaɡba kɛŋɔ bwɛjen Bosra ɛɛ paɡroo dɛ́ berɛ dimɡbia, ásɛ dɛ berɛ kon nɛra aa na dɛɛ mamɛ, dɛɛ taahno ba bambile teŋe kohona. Bwɛɛre aa baro bwa ɡe ɛɛ chɔɡoo kwaraa saŋ bɛlbwa dɛɛ la. Men Korowiirii bola.”

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Yela 132:18

Sihiih ɛɛ kpo o dɔmaa kohona, kɛ o te kora ɛɛ dɔ jirimaa kɛrɛdɛ.”

Yela 109:29

Gel sihiih kpo n dɔma kohona, dɛ́ bɔle ba nɛɛ kɛŋɔ batakaarejaŋ ken.

Yela 69:7

He waa ba koh dɛɛ chɛɡ mɛ, asɛ sihiih kpo mɛ.

Mumpar 27:11

Anee Jekɔb ŋɔ o nya be ŋɔ, “N dɔɔ aa dɔ pona, n te aa wola pona dɔe nɔ,

Mmarare 23:7

He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.

2 Webena 28:17

Dɛ Edom tena berɔ ba yo Juda tena, dɛ lawɛ nɛra laa ta kaa,

Sɛɡla 10:6

Nomɛlbwa swee andɛɛɡa dɛɛ tɛ nɛn o wa aa toɡra, kɛ nɛnchɔɡe te mur, waa yoi waa bol á le baŋ.

Mmarare 23:8

Le ba naanar baa teŋa bele batoro ta, dɛɛ kaa la ken ɛɛ ba ja Korowii nɛra nɛɛ.”

Sɛɡla 17:5

He dɛ mamɛ nyaaraa, Korowii waa ta baa hɛɛ chɛɡɛ, ɡɛɛ a do dɛ he sie dɛ lɛ he dɔŋ wahala ta naa, hɛɛ ba deŋnetɛra kohona dɔe.

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Wiile 4:22

Saayɔn tena dɔ deŋnetɛra ba wechɔɡa wa, Korowii aa ɡel ba lawɛ heyaa laa ta kaa bojaŋ harɛfale ta kpa. Kɛ he Edom tena te, wɛɛ tɛr he deŋnee, dɛ́ le he nyubinikpeɡ we-ɛɛla ne baŋ.