Nɛra Kura 6:3 - mzwDBL

³ amɔ te, o bɛ ɡrepo daa nɔna baa kpɔa dɛɛ ɛ sen ne seŋkpeɡa bɛlbwa nyɔ. O bɛ sennyɛɡa baa kpɔ ɡrepo nɔna kɛɛ seŋkpeɡa bɛlbwa ɛa la nyɔ. O bɛ ɡrepo nɔnlwɛɛ kɛɛ daa nɔna aa hola di, dɛ bɛ a nee ɡe nyɔ.

Nɛra Kura 6:3 Referans Kwoze

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

1 Timoti 5:23

He tea la ne ɡɛ he bwara yon dɛɛ wee warawara la nomanta, bɛ nee ɡbo dɛɛ nyɔ kpa. He ɛo waa, hɛ́ɛ nyɔ sen ɡe tama.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Emɔs 2:12

Kɛ he ɡelɔ Nasiri tena nyɔ sen, dɛ do n keamere ŋɔ ba bɛ n waa aa dɛ ba bala la ka bol.

Sitɔɔla 13:14

O bɛ ɡrepo nɔn komɛlbwa di, á ba ɛ kɛŋɔ wɛɛ nyɔ seŋkpeɡa bɛlbwa kɛɛ wɛɛ di kii konee. A chɛ kɛ ó ɛ anɔ la bwa maa doo la.”

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

1 Tesalonika 5:22

Hé laa he te kpɔ wechɔɡa bɛlbwa ta.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

Nɛra Kura 6:4

Le saŋ la waa ɛ Nasiri te la, komɛlbwa baa chaara le ɡrepo daa ta la, o nɔn oo, o bi oo, o pɛɡ oo, ó bɛ di.

Sitɔɔla 13:4

Taraken, nyiŋi he te kɛrɛdɛ dɛ bɛ seŋkpeɡa bɛlbwa dɛɛ nyɔ, bɛ komɛlbwa waa ɛ n kii kon ɡe di.

Emɔs 2:11

N berɔ le he bibaala la bini bane ba ɛ n keamere, ba bini bonɔɔna la bini bane ɡe ɛ Nasiri tena. Israel tena, n teŋe nyosone naa? Men Korowiirii bola.