Nɛra Kura 4:16 - mzwDBL

¹⁶ Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma, ne tɔpere bɛlbwa mea saraha, ne noo baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”

Nɛra Kura 4:16 Referans Kwoze

Kaala 25:6

ne ɔleve noo baa kpɔ do kandea ta, ne konsɔɔhsoma baa kpɔ koo noo baa kpɔa dɛɛ do nɛn sɔfore ta, ne anɔ la baa kpɔ koo daawiile ta dɛ́ fuah,

Lewi Dea Tena 24:2

bá kpɔ ɔleve nodɛɛɡa baa harama kɛrɛdɛ ba tɛo ó kpɔ dɛɛ do kandea daa la bini, ásɛ o kandere che le dɛɛ hɔ dɛ bɛ dime bwa.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

1 Timoti 2:5

Anee kɛ Korowii beŋkpoŋii lole, dɛ dɔ nachiɡe beŋkpoŋ do o ne nɛwɛnyini baah ta, o ɡe ɛ nɛn. Onee Yeesu Kristo

1 Kɔrent 4:1

A wer kɛ hɛɛ yerɛ yaa Yeesu Kristo bonɔɔna. Korowii baɡle yaa o wesɔɔhla dɛ kpɔ do ya nɔn ta ŋɔ yáa baɡle nɛra.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Nɛra Kura 3:32

Dɛ sɔfo Arɔn bibaa Eliasaa Lewi dea tena la nomoa. Onee ba le o chɔ nɛra baa dɛ ɛ toma Boɡoroŋ bela nyoa.

Lewi Dea Tena 6:20

“Awola baa fuɡe noo do Arɔn nyu ta dɛ ɛo Sɔfonomoa la, o ne o bibaala kpɔ ɡɛ kwaa nɔ ba tɛ mɛ. Men baa nama a kper kɛrɛdɛ dɛ ɛ kuruwa del ba ɛ mea saraha tɛ mɛ, ɡɛ baa dɛ ɛa tɔperee te bwa la. Bá kpɔ a pera ɛ chɔɔbɔr, dɛ́ kpɔ a kar ɡe ɛ jɔmɔra.

Kaala 37:29

O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.

Kaala 31:11

ne noo baa kpɔa fuɡe dɛɛ do sɔfore nyu ta, dɛ daawiile a sɔɔh aa soma baa fuah Boɡoroŋ bela. Bá ɛa ɡɛ tenten maa doe la.”

Kaala 30:22

Korowii berɔ ŋɔ Mosis be ŋɔ,

Lewi Dea Tena 24:1

Korowii ŋɔ Mosis be ŋɔ ó bol Israel tena la be ŋɔ,

Nɛra Kura 4:17

Korowii berɔ ŋɔ Mosis ne Arɔn be ŋɔ,