Nɛra Kura 23:3 - mzwDBL

³ Balam ŋɔ Kooro Balak be ŋɔ, “Che saraha kwaa la jwɛɛh ásɛ n le kɛrɛ, Korowii ken ɛɛ bol waa n bee. Wobɛlbwa waa pili a bini baɡ mɛ la, mɛɛ ŋɔ he bee.” Asɛ dɛ kaa deŋɡare bɛl doa.

Nɛra Kura 23:3 Referans Kwoze

Nɛra Kura 23:15

Balam ŋɔ Kooro Balak be ŋɔ, “Che he saraha kwaa nɔ jwɛh ásɛ n ka na, Korowii ken ɛɛ bol waa n bee.”

Nɛra Kura 24:1

Balam aa naa kɛŋɔ a too Korowii tea kɛŋɔ o swee andɛɛɡa tɛ Israel tena la, o ta laŋɛ ka voɡɛ ɡɛ o fa aa dɛ ɛ la. O berɛ sie chaɡɛ pua hɛŋle ɡbo harɛ la ta.

Lewi Dea Tena 1:1

Korowii yerɛ Mosis le o Dea Cheremibɔr la bini dɛ ŋɔ o be ŋɔ,

Mumpar 22:13

Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii.

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Matiu 4:8

Asɛ Bɔnsam berɛ kpɔɔ ka chɔŋɛ bobɛl waa do kɛŋɔ bwejen bɛl doa, dɛ baɡlo harɛ nɔ ta bela bwa kora dii aa lole, ne kondɔɔh ne konjena aa lɔ o ta bwa ɡale o sie ta,

Nɛra Kura 23:2

Kooro Balak ɛ ɡɛ Balam aa ŋɔa la, ba nɛra banɛ la kpɔ nabal ne pebal ɛ saraha, saraha kon la bɛlbwa ta.

Nɛra Kura 23:4

Asɛ Korowii ka chemo dɛ bol waa o be, asɛ Balam ŋɔ, “N ma kwaa baa dɛ ɛ saraha a ta anuanɛ, asɛ dɛ kpo nabal ne pebal a bɛlbwa ta.”

Nɛra Kura 23:12

Ate Balam ŋɔ, “A chɛ kɛ ń bol waa Korowii aa ŋɔa n bol ɡbo.”

Nɛra Kura 23:26

Anee Balam chaŋo ŋɔ, “N ta he be ŋɔe ŋɔ waa Korowii aa bola laanee mɛɛ ba ɛɛ yaa?”

Josua 24:10

Kɛ n ta sɛɛh o taah heya, n ɡelɔ o swee heyaa andɛɛɡa kohona, dɛ lɛ heyaa le o nɔn ta.