Nɛra Kura 2:3 - mzwDBL

³ Juda dea tena la, a chɛ kɛ bá bɔne ba bini, dɛ́ baŋre ba tɛnte deene wee leebɔr pera, dɛ́ so denaa ta ba fraŋkaa jwɛh. Aminadab bibaa Naasɔn ɛ Juda dea nɛra la sitɔɔ.

Nɛra Kura 2:3 Referans Kwoze

1 Webena 2:10

Ram iro dɛ lolɛ Aminadab, Aminadab ɡe lolɛ Naasɔn, o ɛ Juda tena sitɔɔla bini bɛl.

Rut Tɔn 4:20

Aminadab lolɛ Naasɔn, asɛ Naasɔn lolɛ Salmon,

Nɛra Kura 1:7

Juda dea, Aminadab bibaa Naasɔn,

Matiu 1:4

Ram lolɛ Aminadab, Aminadab lolɛ Naasɔn, Naasɔn lolɛ Salmon,

1 Webena 5:2

Dɛ Juda dea tena dɔ kpeɡri ɡwaa deene la bwa. Kooro le bela dɛ tɛ deene la bwa, a lole kɛŋɔ dɛ Josef dea fe dɔ kpeɡri kɛ biloɡle.

Nɛra Kura 7:17

ne nabala anɛ baa fɔɡa, ne pebala anue ne bombala anue, dɛ pebali anue a bɛlbwa aa di benanyoa, bá kpɔ ɛ deŋnesɔɔhna saraha. A nɔɔ ɛ Aminadab bibaa Naasɔn saraha kwaa waa ba ane.

Nɛra Kura 7:12

Naate waa kpɔ o saraha kwaa ba tɔpere waa tɔ sie laanee Aminadab bibaa Naasɔn waa le Juda dea.

Kaala 6:23

Arɔn ɡe mo haah. O sɔne Eliseba. Dɛ Aminadab bihaahnee o ɛ Naasɔn nimambie. Bibaala baa lola laanee Nadab ne Abihu ne Eliasa dɛ Itama.

Nɛra Kura 2:4

O dea tena la lɔ kaɡboŋa fifraanuanɛ dɛ banaarɛ lafraanumɛl.

Nɛra Kura 3:38

Mosis ne Arɔn ne o bibaala chɛ kɛ bá baŋre ba tɛnte deene Korowii Tɛnte Dea la sie wee leebɔr. Banee dɛɛ ba báa ɛ Boɡoroŋ bela toma, dɛ́ɛ tɛ Israel tena bwa. Nomɛlbwa waa ɛ Mosis toma ne sɔfo Arɔn toma la chɛ kɛ bá kpoo.

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Nɛra Kura 1:5

Baala baa chɛ kɛŋɔ bá cha heyaa laanee nɔ. Rubin dea, Sɛdor bibaa Elisur,

Nɛra Kura 10:5

Dɛ bɛla la baa si kɛŋɔ bá ir le bela dɛ́ kaalaa, deene la nɛra baa soɡe Korowii Tɛnte Dea wee leebɔr la chɛ kɛ bá ir dɛ́ tɔ sie.