Nɛra Kura 19:2 - mzwDBL

² “Mmara maa dɛ nyin n do Israel tena a ta laanee kɛŋɔ, bá lawɛ naneswɛm waa wola kirihiah bɛlbwa dii, baa wola daa kpɔe dawɛ o nɛɛ dɛ kpɔɔ parɛ ka ba tɛ mɛ.

Nɛra Kura 19:2 Referans Kwoze

Mmarare 21:3

Bwɛɛ waa bɛne bela waa chɔa la nomonome nyin nalor baa wola on kpɔe parɛ bwa la,

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

1 Samoɛl 6:7

Anomanta, hé kpɔ konfala aa do kɛŋɔ torɔɡo dɛ dɔ tɔre, dɛ́ lawɛ naneene anɛ a bii ta aa dɛ ɔra, baa wola ane parɛ bwa vɔwa, ásɛ dɛ pere a bii la le anɛ ka do leɡ bini.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Nɛra Kura 31:21

Asɛ sɔfo Eliasa ŋɔ laa tena baa la laa la be ŋɔ, “Mmara Korowii aa kpɔa tɛ Mosis laanee nɔ,

Nɛra Kura 19:6

Sɔfo Eliasa chɛ kɛ ó kpɔ peleme daa ane, ne hesɔp ne pee pona baa doa konswɛɛma ta nao waa dɛ fuh la nɛ.

Lewi Dea Tena 14:6

Ó kpɔ onɔ la waa wola on kpoe la ne peleme daa la, ne jiseswɛm la ne hesɔp daa la bwa pɛ su jumbie baa kpoo la chal la ta,

Kaala 12:5

Kondɛɛre ombal waa wola kirihiah bɛlbwa dii, dɛ di benanyoa laanee chɛ kɛ hé lawɛ ba ɛ ɡɛ waa nɔ. He ta pebie dɔe yaa, bohnee chɛ kɛ hé lawɛ.

Nɛra Kura 19:1

Korowii berɔ ŋɔ Mosis ne Arɔn be ŋɔ,

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.