Israel tena la berɔ ba Mosis be, dɛ ba sɛh ba chɔɡre dɛ ŋɔ, “Ya ɛ wechɔɡa kɛ yaa bol waa yaɡɛ Korowii ne hen. Soŋe Korowii tɛ yaa, ásɛ o le harɛkwaare nɔ ne tɛ yaa.” Asɛ Mosis soŋe Korowii tɛɛ ba.
Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.
Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.
Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.
ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.
Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.
Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”
Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”
