Nehemia 8:18 - mzwDBL

¹⁸ Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

Nehemia 8:18 Referans Kwoze

Nɛra Kura 29:35

Tɔpenuatoro la, hé cheme dɛ́ tomɛ Korowii dɛ bɛ toma bɛlbwa ɛ.

Lewi Dea Tena 23:36

Hé kpɔ kwaa haa fuah ɛ saraha tɔpera anuanɛ la bwa ba tɛ mɛ, ásɛ tɔpenuatoro wee la, hé bwa cheme dɛ́ tom mɛ dɛ́ fuh saraha kwaa tɛ mɛ. A ɡɛ tɔpere laanee dɛ́ ka mun he tɔpejen chema la ta, anomanta, hé ɡel he tomare bwa bil.

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Lewi Dea Tena 23:41

Hé di ɡɛ tɔpejen nɔ bena bɛlbwa tɔpera anuanɛ. Gɛ waa nɔ chɛ kɛŋɔ á chɔ le tɛ he ne he naanar baa ka ba bwa. Hɛ́ɛ diu korobie anuanɛ ta.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Nehemia 8:3

O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.