Nehemia 8:12 - mzwDBL

¹² Ate, nɛra la bwa la ka di kwaa la dɛ nyɔ sen silɛɛ kohona ne, dɛ kpɔ ane kɛ banɔ la baa wola dɔe, dɛkalkɛ ba no waa baa bola baɡ ba la mun kɛrɛdɛ.

Nehemia 8:12 Referans Kwoze

Yela 119:174

N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.

Amanesoma Luk Aa Chwera Tɔn 24:32

Asɛ ba ŋɔ, “A waa laa wɛɛ baɡle Korowii Tɔn la waa ŋwɛnɛ ta asɛ a jo ya bini ɡɛ la aa?”

Yela 119:171

Mɛɛ kpɛɛre saŋ bɛlbwaa, dɛkalkɛ he dɛ baɡ mɛ he Mmarare.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:97

N Naa Korowii, n dɛ nyin he Mmarare la kɛrɛdɛ, tɔpere bɛlbwaa mɛɛ lii a wa.

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Yela 119:16

N dɛ nyin he Mmarare la kohona, maa he waa laanee vɛh.

Yela 119:14

N sie dɛ lɛ he waa ta teŋa, ɡwaa kɛ maa dɔ kondɔɔh kohona.

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Tɔn Pɔɔl Aa Chwerɛ Rom Tena 7:18

N jemɔ kɛŋɔ liidɛɛɡa bɛlbwa toole n bini. N nɛwɛnyini mar nɔ wechɔɡa aa suu nɔɔ n ŋɔ nɔ. Maa dɛ ŋɔ nɔ, n dɛ nyin wedɛɛɡa ɛɛ, kɛ maa won an ɛ.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Nehemia 8:11

Asɛ Lewi dea tena larawe nɛra la bwara dɛ ŋɔ, “Hé hel jeiih ken, fini tɔpere nɔ do ɡoroŋ, he bɛ suna dɛɛ di.”

Nehemia 8:13

Korobie anuanɛ tɔpenɛɛte ta la, nomonnyuune ne sɔfore, dɛ Lewi dea tena la kaa cheme Ɛsra waa ɛ tɔnjereme be, o baɡ ba Mmara waa la ja.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

1 Webena 29:22

Ba di saraha kwaa la, dɛ nyɔ sen lɛ ba sie kohona Korowii sie awola. Belaa ba lɛ Solomɔn waa ɛ Kooro Devid bibaa do nɛɛtena kɛŋɔ kooro, dɛ fuɡe noo do o nyu ta Korowii sie, dɛ cheɡo kora ta, dɛ fuɡe noo do Sadɔk nyu ta o ɡe ɛ sɔfo.