Nehemia 6:16 - mzwDBL

¹⁶ Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Nehemia 6:16 Referans Kwoze

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Yela 126:2

Ya sie lɛo kohona, ya mamɛ dɛɛ ɡo yela, asɛ harɛre nɛra bwa bol ya waa ŋɔ, “Korowii ɛ wejena tɛɛ ba.”

Nehemia 4:7

Ate, Sanbalat ne Tobia ne Arab ne Amɔn, dɛ Asdɔd tena aa noa kɛŋɔ Jerusalam danjwɛɛ baa bera kwaa dɛɛ ma la chemo dɛɛ nyin tona la, ba baah diu kɛrɛdɛ.

Nehemia 4:1

Sanbalat aa noa kɛŋɔ ya Juu tena berɔ kwaa dɛɛ ma Jerusalam danjwɛjen la, bwaawee lawɔ o baah di taeh, wɛɛ mamɛ yaa.

Nehemia 2:10

Asɛ Sanbalat waa le Bɛt Hɔrɔn, ne Tobia waa ɛ Amɔn nomonome la bini bɛl noɔ kɛŋɔ nomɛl koh Israel tena kɛrɛdɛ doe wa dɛ ba, asɛ a we ba nɛ.

We-ɛɛla 5:38

Anomanta, n poo heya, he bɛ nɛra nɔ wobɛlbwa ɛ. Hé ɡel ba jeiih ken. Dɛ ba ɡbaɡba liire ne ba bokpeɡa binii baa ɛ ba waa nɔ naa, ba waa nɔ ɛɛ sɔɔhnoo.

Nɛra Kura 23:23

Sɔm we-ɛɛla aa won ɛ Israel tena wobɛlbwa, voɡre bɛlbwa ɡe aa ban wo. Taraken baa bol Israel tena waa ŋɔ, ‘He na waa Korowii aa ɛa tɛɛ ba.’

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

Nehemia 6:17

Gɛ saŋ la bwa, sitɔɔla baa lɔ Juda harɛ bwa chwerɛ tɔne kaa tɛ Tobia, asɛ o ɡe kwa ɛɛ la ba be,

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Josua 2:9

dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Yela 109:27

N Naa Korowii, ɡel n dɔma jemɛ kɛŋɔ henee lɛɛ mɛ.

Yela 129:5

Kórowii ɡel sihiih kpo nɛra baa hah bwɛjen Saayɔn la, bá berɛ habɔɔ kaa.

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.