Nehemia 5:4 - mzwDBL

⁴ Asɛ bane ɡe ŋɔ, “Yá kemɛ suuɡa, dɛ́ kpɔ bɔ toɔ kooro aa dɛ lɛ yaa ya kooni ne daa kooni ta.

Nehemia 5:4 Referans Kwoze

Ɛsra 4:13

N naa kooro, berɛ jemɛ kɛŋɔ dɛ ba wono kwaa do bwɛjen nɔ tonaa, baa toɔ bɛlbwaa bɔ tɛɛ kpa, ásɛ komɛlbwa aa he kara munii do kpa.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

Ɛsra 7:24

A chɛ kɛ hé jemɛ ja kɛŋɔ he ta kpeɡri dɔe kɛ he lɛ toɔ bɛlbwa soo siwi le sɔfore ne Lewi dea tena, ne yelɡoola dɛ nɛra baa dɛ daah Korowii Dea doonyoo, ne bonɔɔna baa dɛ ɛ toma Korowii Dea, kɛɛ tom-ɛɛ bɛlbwa waa kaa dɛɛ ɛ toma Korowii Dea be.

1 Koranar 9:21

ba naanaree kaa Israel tena aa wola wone kpoo ba. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.

Josua 16:10

Efrem dea tena la ta Keenan tena baa soɡe Gɛsa la doŋe le bela. Anomanta, ba ne ba bwa pɛo so dɛ ba le fini. Kɛ Efrem dea tena la ɡelɔ baa ɛ toma kɛŋɔ ba yoma ken.

Nehemia 5:3

Bane ɡe ŋɔ, “Yá kpɔ ya kooni ne daa kooni, dɛ ya deremi cheɡ awɔba, dɛ́ kpɔ nyin kondikwaa cheɡ lɔr saŋ.”

Sɛɡla 22:7

Gɛ suuɡate aa dɛ di kpeɡri nyaa nɛɛ la, ɡɛɛ nɛn waa di kem la ɛ nɛn waa kemɔ suuɡa la bonɔɔ.